«Шабуылды тоқтатып, шыбын ұшып шықпайтындай етіп бекітіңдер» - Путин

Владимир Путин Ресей Федерациясының Қорғаныс министрі Сергей Шойгумен жұмыс кездесуін өткізді деп хабарлады turkystan.kz adyrna.kz-ке сілтеме жасап. Сергей Шойгу мән-жайды ретімен түсіндіріп, шешілу керек мәселелерді атап, қазіргі қалыптың тыныш екенін мәлімдеді.

«Қазіргі уақытта қаладағы жағдай тыныш. Бұл тәртіпті қалпына келтіруге, халықты қайтаруға, бейбіт өмірді орнатуға мүмкіндік береді», - деді Шойгу.

 Владимир Путин: - Мен индустриялық аймақты басып алуды орынсыз деп санаймын. Бас тартуды бұйырамын.  Сергей Шойгу: - Құп болады! Владимир Путин: - Біз бұл жағдайда сарбаздарымыз бен офицерлеріміздің өмірі мен денсаулығын сақтау туралы көбірек ойлауымыз керек. Катакомбаларға көтеріліп, өнеркәсіптік нысандардың бойымен жер астында жүрудің қажеті жоқ. Шыбын ұшып кетпестей етіп, бұл өнеркәсіптік аймақты жауып тастаңдар! Сергей Шойгу: - Құп болады! Владимир Путин: - Қаруын тастамағандардың бәріне тағы бір рет ескертіңіз. Ресей тарапы тиісті халықаралық құқықтық актілерге сәйкес, олардың өмірі мен лайықты қарым-қатынасына кепілдік береді. Зардап шеккендердің барлығына білікті медициналық көмек көрсетіледі. Мариупольді азат ету бойынша жауынгерлік жұмыстардың аяқталуы сәтті болды. Сізді құттықтаймын. Әскерлерге алғыс айтыңыз. Айбынды жауынгерлерімізді мемлекеттік наградалармен марапаттау туралы ұсыныстарды жіберіңіздер. Мұндай жағдайларда басқаша болуы мүмкін емес екені анық, бірақ, олар - нағыз батырлар. Осыған орай, әскери қызметшілеріміздің, әсіресе зардап шеккендердің, қаза тапқан жолдастарымыздың отбасыларының алдындағы барлық әлеуметтік міндеттемелерді орындаумен қатар, әлеуметтік кепілдіктердің сөзсіз жүзеге асуын қамтамасыз ету қажет. Бірақ маған бұл да жеткіліксіз сияқты. Біз қосымша қолдау шараларын қабылдауымыз қажет. Ал кейбір жағдайларда Донбаста халқымыздың бейбіт өмірі мен тіршілігін қамтамасыз ету үшін шын мәнінде ерлік көрсетіп, өз өмірін құрбан еткен жолдастарымыздың есімін мәңгіге қалдырып, ұмытпауымыз керек.