Ресей рублі ЕАЭО ішінде есеп айырысу валютасы ретінде енгізілмек

Ресей рублі Еуразиялық экономикалық одақ ішінде есеп айырысу валютасы ретінде енгізілмек деп хабарлады turkystan.kz КТК арнасына сілтеме жасап.

Бірақ бұл сауда-саттық түгел Ресей ақшасы арқылы жүреді деген сөз емес. Сауда және интеграция министрлігі жаңаша өзгерісті былай түсіндірді.

Ресей валютасы кедендік баж төлемінен түскен қаржыны бөлу үшін ғана пайдаланылады. Бұл – Еуразиялық экономикалық одақ елдеріне әкелінетін импорттық тауарларға салынатын салық. Рубльмен қайта есептеу тек Ресеймен және Беларусьпен жүргізілмек. Өйткені бұл мемлекеттер санкция салдарынан АҚШ долларымен есеп айырылыса алмайды. Бұл ретте Армения және Қырғызстанмен арадағы сауда-саттықта америкалық валютада қала бермек.

«Біз бүгінде рубль аймағы туралы әңгіме қозғауға ниетті емеспіз. Екі елдің шаруашылық субъектілері арасындағы сауда операцияларының шамамен 70 пайызы Ресей рублін пайдалана отырып жүргізіледі. Біздегі импорттың шамамен 42 пайызы Ресей Федерациясынан. Рубльді пайдалану –  объективті себеп», – деді Сауда және интеграция министрлігінің департамент директоры Темірлан Жантасов.

Ұқсас жаңалықтар

Back to top button