Шығыс Қазақстан мен Абай облыстарының шекарасы бекітілді

Өскемен қаласында облыстық мәслихаттың кезектен тыс XIV сессиясы өтіп, арнайы құрылған комиссия жаңа аймақтардың шекарасын нақтылады деп хабарлады turkystan.kz. halyq-uni.kz порталына сілтеме жасап. Шығыс Қазақстан облысының әкімшілік-аумақтық құрылымын өзгерту барысында Тарбағатай ауданының құрамынан - Ақсуат және Тарбағатай аудандарын, ал Көкпекті ауданының құрамынан - Самар және Көкпекті аудандарын бөлу жолымен жаңа аудандар құру туралы шешім қабылданды. ШҚО облысының аумағы 97,8 мың шаршы метр болады. Оның құрамында 9 аудан және 2 қала (Өскемен, Риддер) қалса, Абай облысының аумағы 185,5 мың шаршы метр болып бекітілді. Жаңа облыстың құрамына 8 аудан және 2 қала (Семей және Курчатов) кіреді. Шығыс Қазақстан облысының аумағында Өскемен, Риддер қалалары, Глубокое, Зайсан, Катонқарағай, Күршім, Самар, Тарбағатай, Ұлан, Шемонаиха, Алтай аудандары болады. Абай облысына Семей, Курчатов қалалары, Абай, Аягөз, Ақсуат, Бесқарағай, Бородулиха, Жарма, Көкпекті, Үржар аудандары кіріп отыр.