باس پروكۋرور «قاسىرەتتى قاڭتاردا» 11 وڭىردە زورلىق-زومبىلىق بولعانىن راستادى

بۇگىن ءماجىلىسءتىڭ جالپى وتىرىسىندا باس پروكۋرور بەرىك اسىلوۆ قاڭتارداعى وقيعاعا قاتىستى مالىمدەمە جاسادى دەپ حابارلادى turkystan.kz.

«قازاقستان تاۋەلسىزدىك جىلدارىندا مۇنداي قاتىگەزدىككە العاش رەت تاپ بولىپ وتىر. ەندى «قاسىرەتتى قاڭتاردىڭ» ارتتا قالعان كۇندەرىن مۇقيات سارالاپ، تياناقتى باعالاۋعا بولادى. ميتينگتەر باستاپقىدا بەيبىت بولعانى تۇسىنىكتى. 1 قاڭتاردان باستاپ باتىس قازاقستان وڭىرلەرىنىڭ تۇرعىندارى گاز باعاسىن تومەندەتۋدى تالاپ ەتتى. ياعني، ەشقانداي ساياسات بولعان جوق، ەكونوميكالىق تالاپتار قويىلدى. ۇكىمەت كوميسسياسى گاز باعاسىنا قاتىستى تالاپتى قاناعاتتاندىردى. وسىعان قاراماستان الماتى، شىمكەنت سەكىلدى وزگە دە قالالار مەن وڭىرلەردە جۇرت كوشەگە شىقتى. قاتىسۋشىلاردىڭ سانى 2 كۇندە 50 مىڭنان استى. ەڭ كوبى – الماتىدا. باسىندا جيىن بەيبىت سيپاتتا باستالعان. كەيىن جاعداي باقىلاۋدان شىقتى. 3-5 قاڭتار ارالىعىندا مەملەكەت باسشىسى دەمونسترانتتارعا ۇندەۋ جولدادى»، – دەدى ول.

ونىڭ ايتۋىنشا، وسى ورايدا، راديكالدىق ەلەمەنتتەر بەلسەندى، قاتاڭ ارەكەتكە كوشكەن. بەيبىت جيىن اگرەسسيۆتى توپتىڭ ارانداتۋىنا ۇلاسىپ، 11 ايماقتا زورلىق-زومبىلىق ساتىسىنا وتكەن.

ۇقساس جاڭالىقتار

Back to top button