قاڭتاردا قازا تاپقان اسكەريلەردىڭ وتباسىنا 451 ميلليون تەڭگە بەرىلدى

«قازاقستان حالقىنا» قوعامدىق قورى قاڭتار وقيعاسى كەزىندە قازا تاپقان ءىىم، ۇلتتىق قاۋىپسىزدىك كوميتەتى قىزمەتشىلەرى جانە قورعانىس مينيسترلىگى مەن رەسپۋبليكالىق ۇلاننىڭ اسكەري قىزمەتشىلەرىنە جانە اۋىر جاراقات العان 106 قىزمەتكەردىڭ وتباسى مۇشەلەرىنە كومەك بەرۋدى باستادى دەپ حابارلادى turkystan.kz قور سايتىنا سىلتەمە جاساپ.

تولەمدەر مەملەكەتتىك ورگانداردان الىنعان رەسمي تىزىمدەر نەگىزىندە جۇزەگە اسىرىلادى. بۇل ساناتتاعى جابىرلەنۋشىلەرگە ارنالعان تولەمنىڭ جالپى سوماسى – 451 ميلليون تەڭگە.

ەسكە سالساق، بۇعان دەيىن قامقورشىلىق كەڭەس قور باسقارماسىنا قازا تاپقان جانە اۋىر جارالانعان اسكەري قىزمەتكەرلەردىڭ وتباسىلارىنا، ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنە بەلگىلەنگەن سومالاردى تولەۋدى تاپسىرعان بولاتىن.

ۇقساس جاڭالىقتار

Back to top button