«اقش رەسەيلىك اۋە كومپانيالارىنا اۋە كەڭىستىگىن جابادى» – بايدەن

اقش ۇكىمەتى ۋكراينا توڭىرەگىندەگى وقيعالارعا بايلانىستى رەسەيلىك اۋە كومپانيالارىنا اۋە كەڭىستىگىن جابۋ تۋرالى شەشىم قابىلدادى دەپ جازدى turkystan.kz.

بۇل تۋرالى پرەزيدەنت دجو بايدەن ەلدىڭ جاعدايى تۋرالى كونگرەسكە جولداعان ۇندەۋىندە مالىمدەدى. بۇل ۇندەۋ امەريكا باسشىسىنىڭ Twitter-دەگى پاراقشاسىنا جاريالاندى.

«بۇگىن مەن وداقتاستارىمىزعا رەسەيدىڭ بارلىق رەيستەرىنە امەريكالىق اۋە كەڭىستىگىن جاۋىپ، رەسەيدى ودان ءارى وقشاۋلاپ، ولاردىڭ ەكونوميكاسىنا قوسىمشا قىسىم جاسايتىنىمىزدى جاريالايمىن. اشىق ايتايىن، ءبىزدىڭ اسكەر ۋكرايناداعى رەسەيلىك كۇشتەرمەن قاقتىعىسقا قاتىسقان جوق جانە قاتىسپايدى دا»، – دەدى اق ءۇي باسشىسى.

دجو بايدەن ەۋروپادا ورنالاستىرىلعان امەريكالىق اسكەردىڭ رەسەي پرەزيدەنتى ۆلاديمير پۋتين باتىسقا جىلجۋدى جالعاستىرعان جاعدايدا، ناتو-داعى وداقتاستارىن قورعايتىنىن ايتتى.

«ناتو ەلدەرىن، سونىڭ ىشىندە پولشا، رۋمىنيا، لاتۆيا، ليتۆا جانە ەستونيانى قورعاۋ ءۇشىن امەريكالىق قۇرلىق كۇشتەرىن، اۋە ەسكادريليالارىن جانە اسكەري-تەڭىز كۇشتەرىن جۇمىلدىردىق»، – دەپ قوستى اقش پرەزيدەنتى.

سونداي-اق ول اقش ادىلەت مينيسترلىگى رەسەيلىك وليگارحتاردىڭ قىلمىستارىن تەرگەۋ ءۇشىن ارنايى جۇمىس توبىن قۇرىپ جاتقانىن مالىمدەدى.

«ءبىز ەۋروپالىق وداقتاستارىمىزعا ولاردىڭ ياحتالارىن، ءساندى پاتەرلەرىن، جەكە ۇشاقتارىن تاۋىپ، تاركىلەۋ ءۇشىن كومەكتەسەمىز»، – دەدى دجو بايدەن.

ۇقساس جاڭالىقتار

Back to top button