50265
Батыс Қазақстанда браконьерлер инспекторларға оқ атты (ВИДЕО)
Батыс Қазақстанда браконьерлер инспекторларға оқ атты (ВИДЕО)
2022 жылғы 16 ақпанда Батыс Қазақстан облысы «Охотзоопром» өндірістік бірлестік инспекторларына екі браконьер қарсылық көрсетіп, оқ атты деп хабарлады turkystan.kz.
Абырой болғанда, адам шығыны мен жарақат алғандар жоқ.
Инспекторлар барлау кезінде Казталов ауданы Жұлдыз кенті аумағында «Боран» маркалы қарда жүргіш көлігінің ізіне түскен. Жедел қуып жеткен қорықшылардың пәрменіне құлақ аспаған қаскөйлер Тoyota маркалы қызметтік көлікке анықталмаған мылтықтан шамамен 10 рет оқ атқан. Автомобильдің алдыңғы дөңгелектері жарылып, бампері зақымдалған.
Инспекторлардың табельдік қарудан ескерту оқ атқандарына қарамастан браконьерлер БҚО, Жаңақала ауданы, Новоказанка ауылына қарай іздерін суытқан.
Оқиға орнына Казталов аудандық полиция бөлімінің қызметкерлері шақырылып, аталған факті бойынша қылмыстық іс қозғалды.
Посмотреть эту публикацию в Instagram
