«Nur Otan» партиясының атқарушы хатшысы Асхат Оралов Үкімет басшысы Әлихан Смайыловпен кездесті деп хабарлады turkystan.kz. Бұл туралы Асхат Оралов өзінің Instagram парақшасында жазды.
«Еліміздің Премьер-министрі Әлихан Смайыловпен кездестім. Өздеріңіз білетіндей, Мемлекет басшысы, партия Төрағасы Қасым-Жомарт Тоқаевтың тапсырмасы бойынша «Nur Otan» Орталық аппараты Мәжілістегі фракциямен бірлесіп, партияның 2021 жылғы сайлауалды уәделерінің орындалу сапасына талдау жүргізуде. Кездесу барысында Үкімет мүшелері мен партия органдарының «Nur Otan»-ның республикалық сайлауалды бағдарламасын іске асыру жөніндегі өзара іс-қимыл мәселелерін талқыладық» деп жазды Асхат Оралов.