Несиесін төлей алмағандарға арналған заң шығады (ВИДЕО)

Жаңа заң банкке несиесін төлей алмай, күнін әрең көріп жүрген азаматтарды жалғыз баспанасынан айырмауды көздейді, деп хабарлады turkystan.kz «Астана» телеарнасына сілтеме жасап.

Премьер-министр Әлихан Смайылов «Азаматтардың төлем қабілеттілігін қалпына келтіру және банкроттығы туралы» заң жобасын енгізуді ұсынды. Аталған құжат 4 ақпанға дейін дайындалуы мүмкін. Бұл Заң жобасында жеке азаматтардың банкроттық рәсімдерінің түрлері, оларды қолдану негіздері қарастырылған. Премьер-министр жобаны талқылауға жұртшылық пен сарапшыларды тартуды талап етті.

«Заң жобасында жеке тұлғалардың банкроттық рәсімдерінің түрлері, оларды қолдану негіздері және басқа да ережелер қарастырылған. 18 заңнамалық актіге – 7 Кодекс пен 11 Заңға түзету енгізу жоспарланған» деп жазылған ҚР Премьер-министрінің ресми ақпараттық ресурсы таратқан хабарламада.

Ұқсас жаңалықтар

Back to top button