50341
«Қазақстанды шайқағандар – Батыс елдері» - Лукашенко
«Қазақстанды шайқағандар – Батыс елдері» - Лукашенко
Ескі жаңа жылдың құрметіне Минскіде өткен жиында Беларусь президенті Александр Лукашенко көсіліп біраз әңгіме айтты. Арасында Алматыдағы «қаралы қаңтар» қасіреті жайлы да сөз болды, деп хабарлады turkystan.kz Atameken Business-ке сілтеме жасап.
Беларусь көшбасшысы қопаңдап, ойына келгенін бей-берекет айтатын мінезін тағы да көрсетті. Оның сөзінше, Қазақстанды шайқағандар – Батыс елдері. Көзге көрінбей, астыртын түрде бүлік ұйымдастырудағы мақсат – Қазақстанды шайқау арқылы бүкіл ТМД-ға топалаң ұйымдастыру.
Лукашенконың сөзінше, Батыс елдері 2020 жылы Беларусь республикасын да жағадан алған, бірақ беларустар олардың "мүйіздерін қағып" алғаннан кейін енді Қазақстанмен айналысуға көшті. Беларусь президентінің пайымынша, екі жақтағы оқиға бір-біріне ұқсас.
