Науқас бір түшкіргенде «омикрон» жүздеген адамға жұғуы мүмкін


Иммунолог Владимир Болибоктың айтуынша, «омикрон» штамын тасымалдаушы бір түшкіргенде вирусты жүздеген адамға жұқтыруы мүмкін, деп хабарлады turkystan.kz Lenta.ru-ға сілтеме жасап.

«Осы уақытқа дейін жұқтырудың мұндай көрсеткіші болған емес. Қызылша ең жұқпалы ауру деп саналатын, бірақ, бұл тұрғыдан келгенде, омикрон асып түсті», – дейді иммунолог.

Оның пайымынша, вирусты жұқтырған адаммен сөйлесу кезінде оның есінеуі, тіпті демалуы індет таратуға себеп болуы мүмкін. Сондай-ақ «омикрон» балалар үшін аса қауіпті көрінеді.

«Олар белсенді түрде ауырады. Ауруханаға ауыр халде түсетіндердің саны күрт артады. Қазіргі басты мақсат – балалар өлімінің артуына жол бермеу», – дейді Владимир Болибок.

Еске сала кетсек, өткен тәулікте Қазақстанда эпидемиологиялық ахуал күрт нашарлаған. Бір тәулікте коронавирусты жұқтырғандар саны 9 мыңнан асып жығылыпты.

Ұқсас жаңалықтар

Back to top button