Паралимпиадаға қатысатын қазақстандық спортшылардың жарыс кестесі жарияланды

Жапонияда 24 тамызда басталатын Паралимпиадаға аттанған қазақстандық спортшылардың жарыс кестесі жарияланды, деп хабарлайды ҚР Ұлттық Паралимпиада комитетінің телеграм каналы. Паралимпиада жарыстарының толық кестесін мына жерден көруге болады. Еске салсақ, 20 тамызда ҚР Ұлттық Паралимпиада құрама командасы Токио қаласына аттанды. XVI жазғы Паралимпиада ойындары 24 тамыз – 5 қыркүйек аралығында өтеді. Бұл сынға Қазақстанның атынан 25 паралимпиадашы қатысып, спорттың 7 түрі бойынша ел намысын қорғайды. Атап айтқанда Қазақстан тарапынан: Сиязбек Далиев, Нұрәли Советқанов, Зульфия Габидулина, Роман Агалаков, Алия Рахымбекова, Нұрдаулет Жұмағали, Ержан Сәлімгереев (пара жүзу), Дастан Мұқашбеков, Салтанат Әбілқасымқызы (пара жеңіл атлетика), Аманжол Жанбота, Зарина Байбатина, Дәулет Теміржан, Даяна Федосова, Ануар Сариев, Ғалымжан Смағұлұлы (пара дзюдо), Спатай Бибарыс (пара каноэ), Нұрлан Домбаев, Нышан Өмірәлі, Кәмиля Досмалова (пара таеквондо), Давид Дегтерев, Раушан Қойшыбаева, Рахмеджан Хамаев, Гүлбану Абдыхалыкова, Алина Солодухина (пара пауэрлифтинг) және Айсұлу Жұмабаева (пара нысана ату) қатысады.

Серіктес жаңалықтары