1774
Túrkistan газеті – Түркістан төрінде
Túrkistan газеті – Түркістан төрінде
Биыл Халықаралық қазақ-түрік университетінің 30 жылдық мерейтойы. Айтулы дата қарсаңында Túrkistan газетінің бас редакторы Қуат Әуесбай оқу орнына арнайы барды. Жиында Túrkistan газеті жинағының таныстырылымы өтіп, университет кітапханасына кітаптар топтамасы сыйға тартылды.
Басқосуға университет проректоры Асқар Тұрғанбаев, журналистика кафедрасының оқытушы-профессорлары мен БАҚ өкілдері, студенттер қатысты. Журналистика кафедрасының студенттері сұрақ қойып, тұшымды жауап алды.
Алдағы уақытта университет пен газет редакциясы арасында әріптестік байланыс нығая түспек. Университетте білім алып жатқан болашақ журналистер Нұр-Сұлтан қаласындағы газет редакциясында өндірістік тәжірибеден өтетін болады.
Басқосудан кейін университеттің музейінде болған басылым басшысы құрметті мейман есебінде Тілектер кітабына өз лебіз-тілегін жазып қалдырды. Одан кейін Қуат Әуесбай жаңадан салынған Алатау медиаорталығында болып, Túrkistan халықаралық телеарнасының «Түркістан төрінде» бағдарламасына сұхбат берді.
Айта кетейік, аталған жинақ басылымның шыға бастағанына 25 жыл толуына орай құрастырылып шығарылды. Жинаққа 1994 жылдан бері газетте жарық көрген үздік материалдар іріктеліп енгізілді. Бұған дейін кітаптың таныстырылымы елордадағы Ұлттық академиялық кітапханасында өткен болатын.
«Тәуелсіздікпен құрдас, Түркістанмен қатар дамып, оның негізгі рухани ордасының біріне айналған Қожа Ахмет Ясауи атындағы Халықаралық қазақ-түрік университеті көне шаһар мәдениетінің дамуына үлкен үлес қосып отыр. Халықаралық университеттің білікті кадр, білімді маман даярлаудағы еңбегі де ерекше. Алдағы уақытта университетпен тығыз байланыс орнатып, бірлесе жұмыс істеуге ниеттіміз», – деді Túrkistan халықаралық газетінің бас редакторы Қуат Әуесбай.
Алдағы уақытта университет пен газет редакциясы арасында әріптестік байланыс нығая түспек. Университетте білім алып жатқан болашақ журналистер Нұр-Сұлтан қаласындағы газет редакциясында өндірістік тәжірибеден өтетін болады.
«Университет студенттерінің Túrkistan секілді беделді басылымнан үйренері көп. Білім ордасында алған теориялық білімді практикамен ұштастырып, үлкен орта көріп, білікті мамандардан ақыл-кеңес алып, тәжірибе жинап жатса, бұл білімгерлеріміз үшін зор олжа деп есептеймін. Túrkistan халықаралық газетімен байланысымыз нәтижелі болуына тілектеспін. Өз тарапымыздан басылымға қолдау білдіруге әзір екенімізді айта кеткім келеді» – деді Қожа Ахмет Ясауи атындағы ХҚТУ проректоры Асқар Тұрғанбаев.Ал университет профессоры, филология ғылымдарының докторы Сейдолла Садық халықаралық басылымның қазақ баспасөзіндегі орны туралы айтты.
«Түркістан атауын иеленген халықаралық басылымның жолы, жөні бөлек. Қалтай Мұхамеджановтай қабырғалы қаламгер негізін қалап, шаңырағын көтерген газеттің әуел бастан-ақ киелі Түркістан өңірімен етене жақын байланыста болуы заңдылық. Қазір Түркістан шаһарына мұқым түркі әлемінің назары ауып, мемлекетіміз тарапынан айрықша көңіл бөлініп жатқан тұста халықаралық Túrkistan газетінің де мән-маңызы тіпті арта түсетіні анық. Сол себепті басылымның тақырып, таралу аясы кеңіп, қазіргі заманның талап-сұранысына қарай мазмұны байып, оқырманы көбейе беруіне тілектеспіз» – деді С.Садық.
Басқосудан кейін университеттің музейінде болған басылым басшысы құрметті мейман есебінде Тілектер кітабына өз лебіз-тілегін жазып қалдырды. Одан кейін Қуат Әуесбай жаңадан салынған Алатау медиаорталығында болып, Túrkistan халықаралық телеарнасының «Түркістан төрінде» бағдарламасына сұхбат берді.
Айта кетейік, аталған жинақ басылымның шыға бастағанына 25 жыл толуына орай құрастырылып шығарылды. Жинаққа 1994 жылдан бері газетте жарық көрген үздік материалдар іріктеліп енгізілді. Бұған дейін кітаптың таныстырылымы елордадағы Ұлттық академиялық кітапханасында өткен болатын.
