قازاق قىزىنىڭ ءولىمى: ماسكەۋ سوتى شەنەۋنىكتىڭ ۇلىنا قاتىستى ۇكىم شىعاردى

ماسكەۋ سوتى داعىستاننىڭ بۇرىنعى پرەمەر-ءمينيسترىنىڭ ۇلى مۋرتۋزالي مەدجيدوۆتى ممحقي ستۋدەنتى قازاقستاندىق توميريس بايسافانى ءولتىردى دەپ تاعىلعان ايىپتان اقتاپ شىعاردى، – دەپ حابارلادى ريا نوۆوستي.

«م.مەدجيدوۆ القابيلەر ۇكىمىنە سايكەس اقتالدى»، – دەدى سوتتا.

مارقۇمنىڭ تۋىستارى سوتتالۋشىدان 30 ميلليون رۋبل كولەمىندە وتەماقى ءوندىرىپ الۋعا تىرىسقان. بىراق سوت ولاردىڭ ازاماتتىق تالابىن قابىلدامادى.

ءبىر كۇن بۇرىن مۋرتۋزالي مەدجيدوۆتى القابيلەر قىزدىڭ ولىمىنە كىناسى دالەلدەنبەدى دەپ اقتاعان بولاتىن. ولاردىڭ ۇكىمى نەگىزىندە سوت ۇكىم شىعاردى.

ەسكە سالايىق، 2018 جىلدىڭ 13 ساۋىرىندە ممحقي حالىقارالىق ەكونوميكالىق قاتىناستار كافەدراسىنىڭ ءتورتىنشى كۋرس ستۋدەنتى توميريس بايسافا جۇمباق جاعدايدا جوو-نىڭ ءتورتىنشى قاباتىنىڭ تەرەزەسىنەن قۇلاپ كەتكەن. اۋىر جاراقات الىپ، كوپ قان جوعالتقان. سول جىلدىڭ 3 مامىرىندا توميريس سكليفوسوۆسكي عىلىمي-زەرتتەۋ ينستيتۋتىندا قايتىس بولدى.

توميريس بايسافانى ءولتىردى دەگەن كۇدىكپەن داعىستاننىڭ بۇرىنعى پرەمەر-ءمينيسترىنىڭ ۇلى مۋرتۋزالي مەدجيدوۆ ۇستالعان ەدى.

ۇقساس جاڭالىقتار

Back to top button