قازاقستاندا ليتسەنزيالانباعان كومپانيالاردىڭ ءتىزىمى

قر قارجى نارىعىن رەتتەۋ جانە دامىتۋ اگەنتتىگى قازاقستاندا ليتسەنزيالانباعان كومپانيالاردىڭ ءتىزىمىن جاريالادى، دەپ حابارلايدى Stan.kz اقپارات اگەنتتىگى. 

اگەنتتىك بۇل ۇيىمداردىڭ جۇمىس ىستەۋ سحەماسى كليەنتكە شەتەل ۆاليۋتاسىمەن جانە وزگە دە قارجى قۇرالدارىمەن وپەراتسيالار جاساۋ ءۇشىن جابىق ينتەرنەت-سەرۆيستەرگە جانە ساۋدا پلاتفورمالارىنا قاشىقتان كىرۋ بەرىلەتىنىن ايتادى. مۇنداي پلاتفورمالاردا كليەنتتەر وزدەرىنىڭ جەكە كابينەتىندە ءوز قاراجاتىنىڭ «ۇلعايۋىن» بايقاۋى مۇمكىن. كليەنت «تاپقان» كىرىسىن الۋعا ارەكەت جاساعان كەزدە، بۇل كومپانيالار اقشانى قايتارعانى ءۇشىن قوسىمشا سىياقى تالاپ ەتە وتىرىپ كليەنتكە ونىڭ اقشاسىن قايتارۋدان جالتارادى، نە قانداي دا ءبىر سەبەپتەرمەن كليەنتتەردىڭ شوتتارىنىڭ نەگىزسىز «كۇشىن جويادى»، بۇل دا الاياقتىق ارەكەتتەر بەلگىسىنە يە بولادى.

2020 جىلدان باستاپ كليەنتتەردىڭ اقشاسىن ينۆەستيتسيالىق ماقساتتار ءۇشىن تارتاتىن ليتسەنزيالانباعان كومپانيالاردىڭ قىزمەتى بويىنشا 40-تان استام شاعىمدار مەن وتىنىشتەر كەلىپ ءتۇستى.

«وسىنداي كومپانيالار كوپ جاعدايدا وففشورلىق ايماقتاردا تىركەلگەن جانە ولاردىڭ قارجى رەتتەۋشىسىنىڭ قارجى نارىعىنداعى قىزمەتتى جۇزەگە اسىرۋعا ارنالعان ليتسەنزياسى جوق. ولار كليەنتتەرگە كونسۋلتاتسيالار بەرۋدى ۇسىنادى جانە ءوز سەرۆيستەرى ارقىلى قاراجاتتى ينۆەستيتسيالاۋ بويىنشا وقىتۋ جۇرگىزەدى. قازاقستان رەسپۋبليكاسىنىڭ اۋماعىندا اتالعان كومپانيالار نەگىزىنەن قاشىقتان، وكىلدىكتەر مەن فيليالدار، نە سەنىمحات بويىنشا وكىلدەر ارقىلى جۇمىس ىستەيدى»، – دەلىنگەن رەسمي حابارلامادا.

وسىنداي كومپانيالاردىڭ بانكتىك سالىمدار بويىنشا سىياقىنىڭ اعىمداعى مولشەرلەمەلەرىنەن كوپ اساتىن جوعارى پايدانى ۋادە ەتە وتىرىپ، ءوز قىزمەتتەرىن نەگىزىنەن الەۋمەتتىك جەلىلەر ارقىلى اگرەسسيۆتى تۇردە جارناما جاسايتىنىنا نازار اۋدارعان ءجون.

وسىعان بايلانىستى، اگەنتتىك قازاقستان رەسپۋبليكاسىنىڭ ازاماتتارىن اگرەسسيۆتى جارناماعا بەرىلمەۋگە جانە تۇسىنىكتى ءارى ايقىن قۇقىقتىق رەجيمى بار كومپانيالارمەن جۇمىس ىستەۋگە شاقىرادى.

ۋاكىلەتتى ورگاننىڭ قر باعالى  قاعازدار نارىعىندا قىزمەتپەن اينالىسۋعا ليتسەنزيالارى بار بروكەرلىك نە ديلەرلىك ۇيىمداردىڭ تىزىمى اگەنتتىكتىڭ رەسمي سايتىندا ورنالاستىرىلعان.

اتالعان كومپانيالاردىڭ قىزمەتى قازاقستان رەسپۋبليكاسىنىڭ زاڭناماسىندا قاتاڭ تۇردە رەگلامەنتتەلەدى. قنردا ويىنشىلاردىڭ قىزمەتىن باقىلاۋ مەن قاداعالاۋدى جۇزەگە اسىرادى جانە بۇل كومپانيالاردىڭ قىزمەتتەرىن تۇتىنۋشىلاردىڭ قۇقىقتارىن جانە ولاردىڭ زاڭدى مۇددەلەرىن قورعاۋدىڭ ءتيىستى دەڭگەيىن قامتاماسىز ەتەدى.

ليتسەنزيالانباعان «ينۆەستيتسيالىق دەلدالداردىڭ» ءتىزىمى:

  • «SECVISION LIMITED» (TRADING TECK);
  • AdvanceStox (Malarkey Consulting LTD);
  • Apexcrypt LTD;
  • Avance.Fund;
  • AxeCapital;
  • Azambusiness;
  • Capital level;
  • FinAxis;
  • Fin-case Ltd;
  • Fincentra LTD Trust Company Complex;
  • Forex Optimum Group;
  • Global Alliance;
  • Halykcompany;
  • Histmo;
  • Icon investing;
  • IINTERNATIONAL VERSION FINANCIAL SOLUTION;
  • Infiniko Invest Trade LTD;
  • Infiniko Superbinary;
  • Lab Finance;
  • LBC-CAPITAL;
  • Lime FX (Rest Soft LTD) جانە Prometheus LTD;
  • MarketsSoft;
  • Invest Absolut;
  • Maxi Markets Limited;
  • Maxi Platinum Ltd;
  • Oldix group kft;
  • Pineda International SP;
  • Prime Capitals;
  • RAISE TRADE LTD;
  • Remaxima;
  • Siriusfn;
  • TBXCapital;
  • Terra Finance;
  • TitanPro 500;
  • TraderKing;
  • Trading Times;
  • UMARKETS (PROMETHEUS LTD);
  • Waxx Capital Ltd;
  • Wexness Banc;
  • Winmarkets;
  •  EVROASIA GLOBAL INVESTMENT اق;
  • «حالىقارالىق كونسالتينگ بيۋروسى» QNET جشس;
  • «EVROPA INVESTMENT» جشس;
  • «استرا كونسالتينگ اگەنسي» جشس;
  • Global Trade Investing

 

 

 

 

 

ۇقساس جاڭالىقتار

Back to top button