جاڭالىقتار

ءتىزىم ارتتى: زەينەتاقى جيناعىن مەرزىمىنەن بۇرىن ەندى كىمدەر الا الادى؟

ەلىمىزدە 1 مامىردان باستاپ ەرىكتى زەينەتاقى جارنالارى ەسەبىنەن زەينەتاقى جيناقتارىن الۋشىلاردىڭ ءتىزىمى كەڭەيدى. بۇل تۋرالى بىرىڭعاي جيناقتاۋشى زەينەتاقى قورى مالىمدەدى.

«وسى جىلدىڭ 1 مامىرىنان باستاپ ەرىكتى زەينەتاقى جارناسى ەسەپكە الىناتىن جەكە زەينەتاقى شوتىن اشۋ ءۇشىن بجزق-عا كەلىپ تۇسكەن العاشقى ەرىكتى زەينەتاقى جارناسى دا نەگىز بولا الادى. وسىلايشا، سالىمشىعا (الۋشىعا) قوردىڭ كەڭسەسىنە بارۋدىڭ قاجەتى جوق. جەكە تۇلعانىڭ جەكە باسىن كۋالاندىراتىن قولدانىستاعى قۇجات دەرەكتەمەلەرى، تۇراقتى تۇراتىن جەرى تۋرالى بارلىق قاجەتتى مالىمەتتەردى بجزق مەملەكەتتىك ورگانداردىڭ ءتيىستى اقپاراتتىق جۇيەلەرىنەن الادى»، – دەلىنگەن قور تاراتقان اقپاراتتا.

سونىمەن قاتار «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قر زاڭىنىڭ 33-بابى 1-تارماعىنا سايكەس، بىرىڭعاي جيناقتاۋشى زەينەتاقى قورىندا:

  • زەينەتاقى جيناقتارى بار 50 جاسقا تولعان;
  • مۇگەدەك بولىپ سانالاتىن;
  • قر شەگىنەن تىسقارى جەرلەرگە تۇراقتى تۇرۋعا كەتەتiن نەمەسە كەتكەن شەتەلدىكتەر مەن ازاماتتىعى جوق ادامداردىڭ;
  • قازاقستان رەسپۋبليكاسىنىڭ زاڭناماسىندا ايقىندالعان، كەتۋ نيەتiن نەمەسە دەرەگiن راستايتىن قۇجاتتاردى ۇسىنعان;
  • بىرىڭعاي جيناقتاۋشى زەينەتاقى قورىنداعى جانە (نەمەسە) ەرىكتى جيناقتاۋشى زەينەتاقى قورىنداعى ەرىكتى زەينەتاقى جارنالارى مەن ولارعا ەسەپتەلگەن ينۆەستيتسيالىق كىرىس سومالارى شەگىندە كەمىندە بەس جىل زەينەتاقى جيناقتارى بار ادامداردىڭ ەرiكتi زەينەتاقى جارنالارى ەسەبiنەن بىرىڭعاي جيناقتاۋشى زەينەتاقى قورىنان زەينەتاقى تولەمدەرiنە قۇقىعى تۋىندايدى.

1 مامىردان باستاپ كۇشىنە ەنگەن وسى جاڭاشىلدىققا سايكەس، ەزج بويىنشا تولەمدەردى ەرىكتى زەينەتاقى جۇيەسىندە كەمىندە بەس جىل جارناسى بار بارلىق ادام الا الادى. وسىلايشا، ەزج ەسەبىنەن قاراجات جيناۋدى مىسالى، 20 نەمەسە 30 جاستان باستاي وتىرىپ، تيىسىنشە 25 نەمەسە 35 جاسقا تولعان كەزدە سالىمشىلار وزدەرىنىڭ العاشقى تولەمدەرىن الا باستايدى.

Back to top button