Қытайдың халық саны 1,41 млрд болды

ҚХР Мемлекеттік статистикалық басқармасы бүгін Қытай тұрғындарының саны 1,41178 млрд адамға жеткенін мәлімдеді деп хабарлайды Қазақпарат.

«Құрлықтық Қытайда халық саны 1,41178 млрд адамға жетіп, 2020 жылы көбеюін жалғастырды» делінген таратылған баяндамада. Қала тұрғындарының үлесі 901,99 млн адамға жетіп, ел тұрғындарының жалпы санының 63,89 пайызын құрады. Елде 60 жас пен одан асқандар үлесі 18,7 пайызды құрады, бұл 2010 жылы өткен халық санағындағы көрсеткіштен 5,44 пайыз жоғары.

Ер адамдардың әйелдерге арақатынасы 105,07:100 құраған. Қытайдағы 7-ші жалпыұлттық халық санағына сәйкес, соңғы онжылдықта ел тұрғындарының саны орташа есеппен алғанда жылына 0,53 пайызға артып келеді.

Еске сала кетсек, Қытайда жетінші халық санағы 2020 жылдың қараша айында басталды.

Back to top button