22 наурызға арналған ауа райы болжамы – Қазгидромет

22 наурыз күні республиканың басым бөлігінде құбылмалы ауа райы сақталады, кей жерде қар аралас жаңбыр жауып, екпінді жел тұрады. Солтүстік, орталық, шығыс аймақтарда жаяу бұрқасын күтіледі: тұман, көктайғақ, оңтүстік-батыста найзағай болжанады. Павлодар, Қарағанды, Шығыс Қазақстан, Ақмола облыстарында кей жерде тұман, көктайғақ болады, 15-23 м/с екпінде жел тұрады. Ақмола, Қарағанды, Шығыс Қазақстан облыстарында сондай-ақ жаяу бұрқасын болады. Солтүстік Қазақстан, Қостанай, Батыс Қазақстан облыстарының кей жерінде тұман, көктайғақ күтіледі. Қостанай облысында күндіз желдің күші 15-20 м/с артуы ықтимал. Алматы облысында түнде және таңертең кей жерінде тұман болады. Жалаңашкөл аумағында желдің күші 15-20 м/с күшеюі ықтимал. Қызылорда, Маңғыстау, Атырау, Ақтөбе облыстарында кей жерде тұман болады. Маңғыстау облысының аумағында найзағай күтіледі. Жамбыл облысында тұман, желдің күші 15-20 м/с, түнде кей жерде көктайғақ күтіледі.