Спорт комментаторы Ермұхамед Мәулен қызметке тағайындалды

Қазақстан футбол федерациясының баспасөз қызметінің жетекшілігіне танымал спорт комментаторы Ермұхамед Мәулен тағайындалды, деп хабарлайды Egemen.kz. Ермұхамед Мәулен әл-Фараби атындағы Қазақ Ұлттық университетінің түлегі. 2013-2016 жылдары «QAZSPORT» арнасының редакторы қыметін атқарған. 2014 жылы Бразилияда өткен Әлем чемпионатын қазақ телевизиясы тарихында тұңғыш рет оқиға орнынан жүргізген комментатор. 2017-2018 жылдары «Егемен Қазақстан» газетінің спорт бөлімінің меңгерушісі, ал 2019 жылы «Хабар» агенттігінің спорт бөлімінің продюсері қызметін атқарды. 2020 жылы «QAZSPORT» телеарнасында арнайы жобалар редакторы қызметін атқарған.