Көрермендер министрдің дәретханадан тікелей эфирге шыққанын аңғарып қойды

Ұлыбританияның Денсаулық сақтау министрі Мэтт Хэнкок тікелей эфирді дәретханада отырып жүргізді деген күдікке ілінді, деп хабарлайды The Daily Mail. Ведомство басшысы жексенбі күні BBC және Sophy Ridge Sky News-тегі Эндрю Маррдың шоуында Ұлыбританиядағы коронавирустық инфекцияға қарсы вакцинация  барысын талқылау үшін бейнебайланыс арқылы эфирге шықты. Көрермендер назары бірден министр отырған орынға — кітап сөрелері мен қабырғаларында рамалары бар ашық қызыл бөлмеге түсті. Twitter қолданушылары Хэнкоктың эфирінен кейін ол отырған бөлме дәретханаға немесе шошалаға ұқсайтынын жарыса жаза бастады. Желідегілердің жазуынша, бөлменің пішіні патшалықтағы тазалық бөлмелерінің пішініне өте ұқсас. "Мэтт Хэнкок таңертең дәретханадан сұхбат берді ме? Қойма үшін бөлме өте тар. Шамасы ол ноутбукты бөшкенің үстіне қойып, өзі унитазда кері қарап отырған болуы керек", - деп болжады желі қолданушылары.  

Серіктес жаңалықтары