Мәнерлеп сырғанаудан Қазақстан чемпионатының жеңімпаздары белгілі болды

Алматыда мәнерлеп сырғанаудан Қазақстан чемпионаты өтіп жатыр. Чемпионат аясында ерлер мен әйелдер арасындағы жекелей сындар аяқталды, деп хабарлайды Olympic.kz. Ерлер арасында алматылық Михаил Шайдаров топ жарды. Нұр-Сұлтан спортшысы Диас Жиренбаев күміспен күптелсе, Дмитрий Карупхин қола жүлдеге ие болды. Ал әйелдер арасында Мария Гречания Қазақстан чемпионатында жеңімпаз атанды. Ажар Жұмаханова екінші орыннан көрінсе, Анастасия Лобанова үздік үштікті қорытындылады. Айта кетерлігі, әйелдер арасында жеңіс тұғырына шыққан барлық спортшы - Алматы қаласының спортшылары.

Серіктес жаңалықтары