Қазгидромет ескертеді: бүгін ауа-райы күрт суытады

11 желтоқсан күні республиканың солтүстігінде, шығысында және орталығында қар жауады, оңтүстік өңірлердің кей жерінде жауын-шашын (көбінесе қар түрінде) болады. Қазақстан аумағының қалған бөлігіне антициклон әлі де ықпалын тигізеді. Соған байланысты жауын-шашынсыз ауа райы сақталады. Еліміздің кей жерінде тұман, желдің күшеюі, жаяу бұрқасын күтіледі. Солтүстік өңірлерде көктайғақ болжанады. «Қазгидромет» РМК ақпаратына сәйкес, Шығыс Қазақстан облысының кей жерінде тұман, бұрқасын күтіледі, жел 15-20 м/с күшейеді. Павлодар облысының кей жерінде тұман, жаяу бұрқасын болады. Түнде жел 18 м/с артады. Жамбыл, Түркістан, Ақмола, Алматы, Қызылорда, Атырау, Батыс Қазақстан, Ақтөбе, Қостанай, Қарағанды облыстарының кей жерінде тұман болжанады. Күндіз Жамбыл, Түркістан облыстарының кей жерінде жел 15-20 м/с күшейеді. Солтүстік Қазақстан облысының кей жерінде көктайғақ, тұман болады.

Серіктес жаңалықтары