Қытай Жерді зондтау спутнигін сәтті ұшырды

Қытайда Сычуань провинциясының оңтүстік-батысындағы Сичан ғарыш айлағынан Gaofen-14 Жерді қашықтықтан зондтау оптикалық спутнигі сәтті ұшырылды.

Синьхуа агенттігінің хабарлауынша, ғарыш аппараты Чанчжэн-3Б (Ұлы жорық-3Б) зымыран-тасығышының көмегімен ұшырылды.

Қолда бар мәліметтерге сәйкес, Gaofen-14 аппараты Жер үсті нысандарының жоғары ажыратымдылықтағы суреттерін жасау үшін қолданылады. Спутниктен берілген мәліметтер негізінде 3D-карталар жасалады.

Бұл – Чанчжэн сериялы зымыран тасығыштардың 354-ші ұшырылуы.

Естеріңізге сала кетейік, қараша айында Қытай ғарышқа әлемдегі алғашқы 6g сынақ спутнигін ұшырды. Ол алтыншы буын желісінің эксперименттік технологиясының қаншалықты жақсы жұмыс істейтінін көрсетуі керек.

Back to top button