Шығын‒25 млн теңге: Таразда зергерлік дүкен тоналды (видео)

Таразда әккі қарақшы зергерлік дүкеннің қабырғасын бұзып, тонап кеткен. Мұқият ойластырылып жасалған қылмыс туралы ішкі істер министрлігінің өкілдері мәлімдеді, деп хабарлайды Рolisia.kz. Қазан айының 14-інен 15-іне қараған түні қарақшылар зергерлік дүкеннің қабырғасын бұзып кіріп, қымбат бағалы әшекей бұйымдарды қолды еткен. Алдын ала есеп бойынша, шығынның жалпы көлемі 25 миллион теңгені құрайды. Құқық қорғау органдарының мәліметінше, тонауға қатысты күдікті 22 қазанда ұсталды. Ол бұрын сотталған Қарағанды ​​облысының 49 жастағы тұрғыны болып шықты. Қазіргі уақытта ұсталған адам уақытша ұстау изоляторында отыр. Оның басқа да қылмыстарға қатыстылығын тексеру үшін жедел-тергеу шаралары жүргізілуде.