__Bastı slayderJañalıqtar

Almatıdağı «arnayı operaciya» ayaqtaldı

 

Almatıda bügin tañerteñ «arnayı operaciya» ötip jatır dep jariyalanğan audandardağı qorşau alınıp tastaldı. Bwl turalı Azattıq tilşisi oqiğa ornınan habarladı.

Qalalıq işki ister departamenti şwğıl izdestiru is-şarasınıñ ayaqtalğanın jariya etti. Bügin tañerteñ Gogol' – Zenkov – Maqataev – Abdullin köşeleriniñ audanı qorşauğa alındı. Zenkov jäne Abdullin köşelerindegi qozğalıs tejeldi. Qorşauda wstau eki sağattan astam uaqıtqa sozıldı.

Arnayı operaciya jürgizilgen audandı policiya men qarulı küşterdiñ avtomat asınğan qızmetkerleri aynala qorşap twrdı. Qorşalğan audanda policiyanıñ avtokölikteri men arnayı tehnika twrdı. Azattıq tilşisiniñ habarlauınşa, osı uaqıtta mobil'di Internet arqılı fayldar joldau qiınğa soqqan.

Jergilikti aqparat taratuşı sayttardıñ habarlauınşa, policiya «Kök bazarğa» jaqın mañdağı audandı da qorşauğa alğan.

Almatı işki ister departamenti bügin tañerteñ atalğan köşelerdiñ qiılısqan audanında şwğıl izdestiru is-şaraları jürgiziletinin habarladı. Departamenttiñ baspasöz qızmeti arnayı operaciya turalı basqa mälimet taratqan joq. Policiyanıñ bwl operaciyası qaladağı Baluan Şolaq atındağı sport sarayında düysenbidegi qarulı şabuıldan qaza bolğan policiya qızmetkerlerin jerleu räsimimen qatar jürip jattı.

Back to top button