__باستى سلايدەرجاڭالىقتار

الماتىداعى «ارنايى وپەراتسيا» اياقتالدى

 

الماتىدا بۇگىن تاڭەرتەڭ «ارنايى وپەراتسيا» ءوتىپ جاتىر دەپ جاريالانعان اۋداندارداعى قورشاۋ الىنىپ تاستالدى. بۇل تۋرالى ازاتتىق ءتىلشىسى وقيعا ورنىنان حابارلادى.

قالالىق ىشكى ىستەر دەپارتامەنتى شۇعىل ىزدەستىرۋ ءىس-شاراسىنىڭ اياقتالعانىن جاريا ەتتى. بۇگىن تاڭەرتەڭ گوگول – زەنكوۆ – ماقاتاەۆ – ابدۋللين كوشەلەرىنىڭ اۋدانى قورشاۋعا الىندى. زەنكوۆ جانە ابدۋللين كوشەلەرىندەگى قوزعالىس تەجەلدى. قورشاۋدا ۇستاۋ ەكى ساعاتتان استام ۋاقىتقا سوزىلدى.

ارنايى وپەراتسيا جۇرگىزىلگەن اۋداندى پوليتسيا مەن قارۋلى كۇشتەردىڭ اۆتومات اسىنعان قىزمەتكەرلەرى اينالا قورشاپ تۇردى. قورشالعان اۋداندا پوليتسيانىڭ اۆتوكولىكتەرى مەن ارنايى تەحنيكا تۇردى. ازاتتىق ءتىلشىسىنىڭ حابارلاۋىنشا، وسى ۋاقىتتا ءموبيلدى ينتەرنەت ارقىلى فايلدار جولداۋ قيىنعا سوققان.

جەرگىلىكتى اقپارات تاراتۋشى سايتتاردىڭ حابارلاۋىنشا، پوليتسيا «كوك بازارعا» جاقىن ماڭداعى اۋداندى دا قورشاۋعا العان.

الماتى ىشكى ىستەر دەپارتامەنتى بۇگىن تاڭەرتەڭ اتالعان كوشەلەردىڭ قيىلىسقان اۋدانىندا شۇعىل ىزدەستىرۋ ءىس-شارالارى جۇرگىزىلەتىنىن حابارلادى. دەپارتامەنتتىڭ ءباسپاسوز قىزمەتى ارنايى وپەراتسيا تۋرالى باسقا مالىمەت تاراتقان جوق. پوليتسيانىڭ بۇل وپەراتسياسى قالاداعى بالۋان شولاق اتىنداعى سپورت سارايىندا دۇيسەنبىدەگى قارۋلى شابۋىلدان قازا بولعان پوليتسيا قىزمەتكەرلەرىن جەرلەۋ راسىمىمەن قاتار ءجۇرىپ جاتتى.

Back to top button