Бүгіннен бастап бірқатар нысандар жұмысын бастады

Бүгіннен бастап бірқатар нысандар жұмысын бастады ҚР Премьер-Министрі Асқар Маминнің төрағалығымен ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссияның кезекті отырысында 4 мамырдан бастап барлық өңірлерде жұмысқа кірісетін кәсіпкерлік субъектілерінің қызмет түрлерінің тізімі бекітілген болатын.  Олар:

• аумағы 500 ш. м. дейін болатын азық-түліктік емес дүкендер сағат 17:00-ге дейін (барлық түрлері);
• фотосалондар, гүл сататын дүңгіршектер;
• шаштараздар (жазылу бойынша);
• медицина орталықтары (жазылу бойынша);
• стоматологиялық клиникалар (жазылу бойынша);
• жылжымайтын мүлікпен операцияларды жүзеге асыратын компаниялар, жарнама агенттіктері, адвокаттар, нотариустар;
• шағын қаржы ұйымдары, сақтандыру компаниялары, ломбардтар, айырбастау пункттері;
• ақпараттық-коммуникациялық технологиялар компаниялары.

Сондай-ақ, 4 мамырдан бастап далада спортпен шұғылданып, жаттығу жасауға рұқсат етіледі. Сонымен қатар, бүгіннен бастап Нұр-Сұлтан мен Алматыдан Қызылордаға, Петропавлға, Өскеменге және Семейге әуе қатынастарын қайта жанданады.