Айбек Әрімбек, Нұр-Сұлтан қаласы әкімдігінің Мемлекеттік академиялық филармониясының «Қорқыт» этно ансанблінің домбырашысы, концертмейстері
Халқымыздың басты қаруы – бірлігі мен ынтымағы
Халқымыздың басты қаруы – бірлігі мен ынтымағы
Біздің Ата заңымыздың бірінші бабында: «Қазақстан Республикасының ең қымбат қазынасы – адам және оның өмірі», – деп нақты жазылған. Сондықтан елімізде денсаулық сақтау саласын дамытуға айрықша көңіл бөлінді. «Саламатты Қазақстан» бағдарламасын қабылдап, барлық өңірде бұрын болмаған жүздеген заманауи ауруханалар мен емханалар салдық. Елордада әлемдік деңгейдегі ең озық техникалармен жарақталған аса ірі ғылыми-медициналық орталықтар ашып, оның мамандарын әлемнің ең дамыған елдерінде тәжірибеден өткіздік және «Болашақ» бағдарламасы аясында оқыттық. Осылай алдын ала қамданудың нәтижесінде ұлт денсаулығына қатер төндірген бүгінгідей қиыншылық заманда жұқпалы дерттің дәл диагностикасын жасау, оның алдын алу, науқасты емдеу сияқты тиісті шараларды біздің дәрігерлеріміз жоғары кәсіби деңгейде атқаруда". Бұл Қазақстан Республикасының Тұңғыш Президенті – Елбасы Нұрсұлтан Назарбаевтың «Бірлесе білген ел бәрін жеңеді» атты мақаласында айтылған үзік ойдың үзіндісі.
Шындығында да, әлемге тарап, біздің елімізге табан тіреген қауіпті індетті жеңу үшін қаншама сындарлы кезеңдерде сан соқпақты еңсерген халқымыздың қажырлы қайраты, бірлігі мен ынтымағы басты қаруы.
Біздің бойымызда сан қиындыққа мойымай өз мақсатына қол жеткізген текті бабаларымыздың қаны, қасиеті бар. Елбасының үндеуінде айтылған маңызды мәселелер де ұлт ұстыны бірлік пен сабырлық екенін аңғартады.
Елбасының егжей-тегжей айтқан сөздері бүгініміз, болашағымыз үшін маңызды. Ел болып тізе қосып, қауіпті індетті жеңіп шығуға ынтымақты арттыру елдігіміздің айнасына айналары хақ. Береке-біргеміз арта берсін, Қазақ елі!