10 Сәуір, 10:43 668 0 Жаңалықтар Асыл ТҰМАР

COVID-19: 154 адам бақылаудан босатылды

Сурет ғаламтордан алынды
Сурет ғаламтордан алынды

9 сәуір күні COVID-19 ауруынан емделіп шыққан азаматпен байланыста болған 154 адамның бәрі де бақылаудан босатылды. Бұл туралы Павлодар облысы денсаулық сақтау басқармасы басшысының міндетін атқарушы Біржан Досмайылов мәлімдеді.

«1988 жылғы Ақсу қаласының тұрғыны емделу курсынан өтіп, жазылғаннан кейін тұрақты мекенжайы бойынша үй карантиніне жіберілді. Онымен байланыстағы 154 адамның бәрі бақылаудан босатылды», – деді ол.

Айта кетейік, 9 сәуір күні коронавирус инфекциясын жұқтырған тағы 2 адам тіркелді. Өкінішке қарай, біреуі көз жұмды. Қайтыс болған кісі 1936 жылы туған. Павлодар тұрғыны.

«Ол 8 сәуірде ауруханаға түскен. Сол күні ер адамнан коронавирус бойынша тест алынған еді. Келесі күні оның коронавирусты жұқтырып алғаны белгілі болды. Ер адам бронха демікпесімен, өкпенің созылмалы ауруы, жүректің ишемиялық ауруымен, үшінші дәрежелі артериялық гипертензиямен және көкірек терісінің қатерлі ісігі диагноздарымен есепте тұрған», – деді Біржан Досмайылов Павлодар қаласында онлайн режімде өткен өңірлік коммуникациялар қызметінің баспасөз мәслихатында.

Оның айтуынша, көз жұмған қариямен байланыста болған 118 адамның 50-і ауруханаға жатқызылып, 65-не үй карантині тәртібі міндеттелген.

«Екінші науқас – 1981 жылғы Павлодар тұрғыны. 8 сәуірде КВИ белгілерімен жұқпалы аурулар емханасына жедел жәрдеммен жеткізіліп, жатқызылды. Қазіргі кезде оның жағдайы тұрақты. Емделушінің айтуынша ол 21 наурыздан бастап Қазақстанның бірнеше қаласында, соның ішінде Қарағанды, Шымкент, Тараз қалаларына барған. Онымен байланыста болған 158 адам анықталды. Олардың 6-ы стационарлық карантинге жатқызылып, 24 адам үй карантинін сақтауға міндеттелді. 38 адам басқа өңірлердің тұрғындары. Олар туралы мәлімет облыстардың тиісті мекемелеріне жіберілді», – деді ол. Біржан Досмайылов кеше Павлодар облысында бір адамның КВИ-дан емделіп шыққанын да еске салды.

Соңғы жаңалықтар