5 Сәуір, 11:32 622 0 Денсаулық Анар ЛЕПЕСОВА

Шымкентте коронавирус жұқтырған азамат жетісайлық науқаспен бір пойызда болған

Шымкент қаласында ​ 5 сәуір күні коронавирус жұқтырған тағы 1 жағдай тіркелді. Бұл туралы қаладағы төтенше жағдай штабы хабарлады.

"Қаладағы Желтоқсан көшесінің тұрғыны 24 жасар азамат, Жетісай қаласынан тіркелген науқаспен 23 наурызда Петропавл-Қызылорда пойызымен бірге келіп, байланыста болғандықтан 2 сәуір күні оқшауланып, провизорлық стационарға жатқызылған. Тест сынамалары инфекцияға оң нәтиже көрсеткендіктен 5 сәуірде жұқпалы аурулар ауруханасына ауыстырылды. Науқастың жағдайы қалыпты" - делінген хабарламада.

Қазіргі таңда қажетті қауіпсіздік шаралары жүргізіліп, қаладағы Желтоқсан көшесі, 3 А үй карантинге жабылды. Науқаспен байланыста болған 7 адам анықталып, олар да оқшауланды (оның бесеуі отбасы мүшелері).

Бүгінде қалада жалпы коронавируспен 14 адам тіркелді.

Соңғы жаңалықтар