11 Қаңтар, 09:57 369 0 Жаңалықтар Асыл ТҰМАР

«Сергек» – телефонмен сөйлессеңіз, айыппұл салына ма?

Сурет ғаламтордан алынды
Сурет ғаламтордан алынды

«Сергек» қауіпсіздік белбеуін тақпағандарды немесе телефонмен сөйлескендерді түсіріп, айыппұл сала ала ма? Бұл сауалға әкімдікте өткен арнайы баспасөз мәслихатында «Сергек» жобасын басқару жөніндегі директоры Бибігүл Әйтікенова жауап берді, – деп жазды zakon.kz.

Ол қалада жол қауіпсіздігін қамтамасыз етуге арналған «Сергектің» 400 аппараттық және бағдарламалық жүйелері іске қосылғанын айтты.

Бибігүл Әйтікенованың айтуынша, бұл аппараттық-бағдарлама кешені Алматы қаласы полиция департаментімен келісілген жолдағы заңбұзушылық түрлерін тіркейді.

Атап айтқанда, бұл: жылдамдықты асыру; тыйым салынған бағдаршам түсіне жүру; жол белгілеріне қатысты талаптар, тоқта-сызығын басу; қоғамдық көліктерге арналған арнайы жолаққа шығу. Сонымен қатар, «Сергек» жүйесі кейбір реттелмеген жаяу жүргіншілер өткелінің алдындағы жылдамдықты қадағалап, тіркейді. Осы жағынан алғанда, «Сергек» қауіпсіздік белбеуін тақпағаны немесе телефонмен сөйлескені үшін жүргізушіге айыппұл жаза алмайды.

– Бұл заңбұзушылықтарды «Сергек» көре алады немесе көре алмайды дегенде емес мәселе, негізінен, жүйенің түсіру сапасы жақсы. Ол белдікті байламағанды да, телефон ұстағанды да түсіре алады. Бірақ бұлар жүйе тіркеуі тиіс тізімде жоқ нәрсе. Сондықтан ол үшін «Сергек» айыппұл жолдай алмайды, – деді Б.Әйтікенова.

Соңғы жаңалықтар