Қазақстан Президенті Қасым-Жомарт Тоқаев Ресей астанасы Мәскеу қаласындағы Қызыл алаңда Екінші дүниежүзілік соғыстың аяқталуының 75 жылдығына орай өткен әскери парадқа қатысты.
Ресей президенті Владимир Путиннің бастамасымен мемлекет басшылары және үкімет жетекшілері деңгейінде өткен салтанатты шараға Қасым-Жомарт Тоқаевпен қатар, Беларусь президенті Александр Лукашенко, Молдова президенті Игорь Додон, Сербия президенті Александр Вучич, Тәжікстан президенті Эмомали Рахмон, Өзбекстан президенті Шавкат Мирзиёев, сербтерден Босния және Герцеговина Президиумының төрағасы Милорад Додик, сондай-ақ бірқатар халықаралық ұйым басшылары қатысты. Ал жанындағы серіктерінен коронавирус белгілері табылғандықтан, Қырғыз Республикасы президенті Сооронбай Жээнбеков парадқа қатыса алмады.
Әскери парадты Ресейдің Қорғаныс министрі Сергей Шойгу қабылдап, оны құрлық әскерлерінің бас қолбасшысы, армия генералы Олег Салюков басқарды.
Кеңестік дәуірде жыл сайын 9 мамырда Қызыл алаңда әскери парад өтетін. Ал биылға келсек, 1945 жылғы 24 маусымда Қызыл алаңда КСРО-ның Екінші дүниежүзілік соғыста фашистік Германияны жеңуіне арналған алғашқы парад өткен болатын. Арада 75 жыл өткенде сол кезде алғашқы әскери шеруге қатысқан соғыс куәгерлеріне мінбердің құрметті орындарынан тұрып шеруді тамашалауға мүмкіндік берілді.
Бұл Жеңіс парадына 13 мыңнан астам әскери қатысып, 200-ден аса тарихи және заманауи әскери техника көрсетілді. Сонымен бірге символды түрде 75 ұшақ пен тікұшақ қатысты.
Парадқа ресейлік әскерилермен қатар Қазақстан, Әзербайжан, Тәжікстан, Өзбекстан, Армения, Беларусь, Қырғыз Республикасы, Қытай, Молдова, Моңғолия, Үндістан және Сербияның сарбаздары да қатысты. Қызыл алаңмен жүріп өткен Қазақстанның 36-шы десанттық-шабуылдаушы бригаданың әскерилерін бригада командирі, подполковник Ұлан Нұрғазиев бастап шықты.
Әсери Жеңіс шеруіне Екінші дүниежүзілік соғыс кезіндегі Гитлерге қарсы коалиция мүшелері − АҚШ және Ұлыбритания тарабы да шақырылған болатын. Бірақ АҚШ президенті Дональд Трамп мамыр айында парадқа келуден бас тартты. Сондай-ақ Армения, Әзербайжан, Чехия басшылары елдегі эпидемиологиялық ахуалдың нашар екенін айтып, парадқа қатыса алмайтынын хабарлаған. Ал Хорватия президентінің ұшағы бұзылып қалғандықтан келе алмайтынын жеткізсе, Түркіменстан президенті туған күніне байланысты бара алмайтынын хабарлаған.
Әскери парадтан соң, мемлекет басшылары «Белгісіз солдат» қабіріне гүл шоқтарын қойды.
Парадқа ресейлік әскерилермен қатар Қазақстан, Әзербайжан, Тәжікстан, Өзбекстан, Армения, Беларусь, Қырғыз Республикасы, Қытай, Молдова, Моңғолия, Үндістан және Сербияның сарбаздары да қатысты. Қызыл алаңмен жүріп өткен Қазақстанның 36-шы десанттық-шабуылдаушы бригаданың әскерилерін бригада командирі, подполковник Ұлан Нұрғазиев бастап шықты.
Әсери Жеңіс шеруіне Екінші дүниежүзілік соғыс кезіндегі Гитлерге қарсы коалиция мүшелері − АҚШ және Ұлыбритания тарабы да шақырылған болатын. Бірақ АҚШ президенті Дональд Трамп мамыр айында парадқа келуден бас тартты. Сондай-ақ Армения, Әзербайжан, Чехия басшылары елдегі эпидемиологиялық ахуалдың нашар екенін айтып, парадқа қатыса алмайтынын хабарлаған. Ал Хорватия президентінің ұшағы бұзылып қалғандықтан келе алмайтынын жеткізсе, Түркіменстан президенті туған күніне байланысты бара алмайтынын хабарлаған.
Әскери парадтан соң, мемлекет басшылары «Белгісіз солдат» қабіріне гүл шоқтарын қойды.