12 Наурыз, 18:49 339 0 Руханият Арайлым Бимендиева

«Алтын адам» Үндістанда

Ұлттық музей 18 наурызда Нью-Дели қаласындағы Үндістан Ұлттық музейінде «Ұлы дала: Уақыт. Кеңістік. Мәдениет» көрмесін ашады.

Қазақстанның азаттық симво­лына айналған басты жә­дігері – «Алтын адам». Ол Қазақ­стан тарихындағы ең танымал археологиялық сенсация. «Алтын адам» 1969 жылы Алматы маңайындағы Есік қорғанында ар­хеолог Кемал Ақышевтың же­текшілігімен жүргізілген ар­хеологиялық жұмыстар нәтиже­сінде табылды. Алтын адам киімі 4 мыңға жуық алтын әшекейлер­мен безендірілген.

Үндістан Ұлттық музейіне ұсы­нылған көрмеден киімі алтын жапсырмалы және жебе, қар барысы, арқар, жылқы және құс түріндегі алтын тілімшелер әше­кейлеп тұрған  конус пішінді ерекше бас киімді «Алтын адам­ның» реконструкциясын және ақсүйек сақ жауынгерімен бірге жерленген ерте темір ғасыры­ның археологиялық олжалары­ның топтамасын тамашалауға болады.

Халықаралық көрме жоба­сы­ның аясында «Алтын адам» әлем­нің 12 музейінде ұсынылды.  Көр­ме осыған дейін Беларусь, Ре­сей, Әзірбайжан, Қытай, Польша, Оңтүстік Корея, Өзбекстан, Сол­түстік Македония, Түркия, Ма­­лайзия және Грецияда үлкен же­тістікпен өтті.

Көрмеде Тақсай (Батыс Қазақстан облысы), Талды-2 (Қара­ғанды облысы) және Берел (Шығыс Қазақстан облысы) сын­ды сақ қорғандарынан та­был­ған археологиялық таңдаулы ол­жалар да көрсетілетін болады.

Сонымен қатар көрмеге Батыс Қазақстан облыстық тарих және археология орталығының ар­хеологиялық отряды 2012 жыл­дың сәуірінде қазба жұмыс­тары кезінде табылған «Тақсай хан­шайымы» ұсынылады. Тақ­сай қорымында жерленген 35-40 жастағы әйелдің жанынан ыдыстар, сәнді бас киімнің әшекей­лері және көптеген алтын бұйым­дар табылды. Ғалымдар шай­қастардың көріністерін бей­нелейтін ағаш тарақты ерекше артефакт деп санайды.

Жалпы, көрмеге Қазақстан Ұлт­тық музейінің қорларынан бар­лығы 292 зат ұсынылады.

Соңғы жаңалықтар