16 Ақпан, 20:16 285 0 Әлеумет Анар ЛЕПЕСОВА

Петропавлда көпқабатты үйден өрт шығып, 84 жастағы кейуана көз жұмды

Петропавлда 9 қабатты үйден өрт шығып, 84 жастағы әйел мерт болды. Бұл туралы Солтүстік Қазақстан облыстық Төтенше жағдайлар департаменті баспасөз қызметі хабарлады. 

Дереккөздің мәліметіне сүйенсек, бүгін сағат 10.30 шамасында «101» қызметіне Кошуков көшесі, 7 мекен жайындағы 9 қабатты үйдің үшінші қабатынан өрт шыққандығы жөнінде хабарланған.

Өрт сөндірушілер жеткен кезде пәтер жалындап жанып жатқан. Құтқарушылар мен полиция қызметкерлері 8 адамды, соның ішінде екі баланы қауіпсіз жерге шығарды.

Оқиға орнынан пәтердің иесі - 1936 жылы туған әйелдің денесі табылды.

Жалынмен күреске 20 адам және 6 техника жұмылдырылды. Сағат 11.00 шамасында жалын толық сөндірілді. Өрттің салдарынан дүние-мүлікке зақым келді.

Қазіргі уақытта оқиғаның себебі мен келген шығын көлемі анықталуда. 

Соңғы жаңалықтар