Кісі өлтірген күйеуін түрмеден шығару үшін 3 млн теңге берген

Семей қалалық Полиция басқармасына 22 қаңтар күні алаяққа алданып қалған әйел арызданған. Бейтаныс біреу оның адам өлтіргені үшін сотталған 60 жастағы күйеуін түрмеден шығаруға көмектесетінін айтып, бұл «қызметін» 3 млн теңгеге бағалаған. Әлгі әккі алаяққа сенген азаматша сұраған сомасын береді. Бұл туралы ҚазАқпарат жазды. «Жедел-іздестіру шаралары барысында полиция қызметкерлері күдіктіні қолға түсірді. Бұған дейін алаяқтық жасағаны үшін сотталған Үржар ауданының 44 жастағы тұрғыны кінәсін мойындап отыр» – деп хабарлады Семей қалалық Полиция басқармасының баспасөз қызметі. Қазіргі уақытта бұл факті бойынша ҚР ҚК-нің 190-бабымен (Алаяқтық) сотқа дейінгі тергеу амалдары жүргізілуде.

Серіктес жаңалықтары