Елордада 8 жасар бала белгісіз жағдайда қайтыс болды. Бұл туралы Нұр-Сұлтан қаласының Полиция департаменті хабарлады.
"Биылғы жылдың 14 қаңтарында, сағат 19:33-те кәмелеттік жасқа толмаған баланың өлімі жайлы ақпарат түсті. Оқиға орнына жедел-тергеу қызметкерлері барып, 2011 жылғы баланың өзін жайсыз сезінгенін білді. Баланың ата-анасы дәрігерлердің көмегіне жүгінгенде ақ халаттағылар баланы үйден емдеуге кеңес берген. Келесі күні баланың жағдайы күрт нашарлап, ол есінен танып қалады. Жедел жәрдем келгенше бала қайтыс болды", - деп жазылған хабарламада. Полиция басқармасында бұл факт бойынша сотқа дейінгі тергеу амалдары басталғанын ескерді. Сот-медициналық сараптамалар жүргізілуде.
