343
Гонконг түрмесіне қамалған қазақстандық студент кепілдікпен босатылды
Гонконг түрмесіне қамалған қазақстандық студент кепілдікпен босатылды
15 қаңтар күні Гонконгтың аудандық сотында Әбілқайыр Нукпиді кепілдікпен шығару бойынша үшінші сот отырысы өтті. Бұл туралы ҚР СІМ баспасөз қызмет хабарлады.
Ә.Нукпидің мүддесін Баптистік университет ұсынған адвокат қорғады. Қорғаушы тараптың дәлелдерін назарға ала отырып, сот Ә.Нукпиді кепілдікпен босату туралы шешім қабылдады.
Сот шешіміне сәйкес, Ә.Нукпи 2020 жылғы 26 ақпанға белгіленген келесі сот отырысына дейін анасымен бірге Баптистік университеттің кампусында болып, бекітілген коменданттық сағатты сақтауға міндетті.
ҚР Гонконгтағы бас консулдығы Ә.Нукпидің анасына толық қолдау көрсетіп, адвокаттармен келіссөздер жүргізуіне, сот отырыстарына қатысуына және басқа да қажетті консулдық-құқықтық мәселелеріне атсалысуда.
