Досаев қазақстандықтардың ақша аударымдарын тексеруге қатысты пікір білдірді

Досаев қазақстандықтардың ақша аударымдарын тексеруге қатысты пікір білдірді

Kaspi Bank арқылы ақша аударымдарын жасайтын қазақстандықтар салық төлеуге міндеттеле ме? Бұл сауалға Мәжіліс кулуарында Ұлттық банк төрағасы Ерболат Досаев жауап берді. 

«Менің пікірімше, қаржы министрлігі салық салуды көздеп отырған жоқ, тек осы төлемдерден салық төленіп отырғанын көргісі келеді. Ұлттық банк пен министрлік бірлесіп жұмыс істеуде. Қолма-қол ақысыз төлемдер көлемінің артуы бюджет кірісінің артуымен қатар жүруі тиіс деген пікірдемін. Бұл қалыпты жағдай. Себебі ақша көлеңкеден шығады немесе көлемі артады. Сондықтан үкіметтің фискалдық мақсаты, жалпы, біздің көлеңкелі экономиканы төмендетуге бағытталған жұмысымыз қосымша кірістер түріндегі жағымды нәтижелермен қатар жүргенін қалар едік», - дейді Досаев. Сонымен қатар ол қаржы министрлігінің ұсынысы Kaspi Bank бойынша жасалатын төлемдерге ғана қатысты емес екенін атап өтті. «Бұл мәселе бүкіл банк секторына қатысты. Төлемдердің қажетті деңгейін қамтамасыз ету тұрғысынан алғанда, банк секторы үкімет пен қаржы министрлігіне серіктес болатын шығар. Әзірге бұл қаржы министрлігінің ұсынысы ғана. Әзірге банк қоғамдастығымен де талқылануда», - дейді Ұлттық банк төрағасы. Еске сала кетсек, бұған дейін Қаржы министрлігі қазақстандықтардың ақша аударымдары тексерілуі мүмкін екенін ескерткен болатын. Ондағы мақсат - салық төлеуден жалтарып жүргендерді анықтау.