كومىر باعاسى ارزاندادى

الماتى اكىمدىگى قر ينۆەستيتسيالار مەن دامۋ مينيسترلىگىمەن جانە قر تاۋ كەن ءوندىرىسى قاۋىمداستىعىنىڭ وكىلدەرىمەن اقىلداسا وتىرىپ، 4 كومىر جەتكىزۋشى كاسىپورىنمەن كەلىسىمگە كەلدى، دەپ حابارلايدى قازاقپارات ءتىلشىسى.

2018 جىلدىڭ 23 قاراشاسىندا قالا اكىمدىگى مەن تاسىمالداۋشىلار كومىر باعاسىن 1900 تەڭگەگە ارزانداتۋ بويىنشا مەموراندۋمعا قول قويدى.

قالالىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ مالىمدەۋىنشە، ۋاعدالاستىق ارقاسىندا ءسۇيىنباي داڭعىلى، 567 ا مەكەنجايىنداعى مەدەۋ ستانساسىندا «الەم-ح» جشس «قاراجىرا» بايىتىلعان كومىرىنىڭ 1 تونناسىنىڭ قۇنى – 14 500 تەڭگەدەن 13 700 تەڭگەگە ءتۇستى.

بەكماحانوۆ كوشەسى، 88 «گ» مەكەنجايىنداعى «دياچكوۆ ا» جشس  «شۇباركول» كومىرىنىڭ 1 تونناسى 14 500 تەڭگەدەن 12 700 تەڭگەگە ارزاندادى.

بەكماحانوۆ، 88 ب الماتى 1 ستانساسىندا «الەم كومىر» جشس «قاراجىرا» كومىرىنىڭ 1 تونناسى 14 500-دەن 13 700 تەڭگەگە ارزانداتىلدى.

ىلە تاس جولى، №20، كراسنوگۆاردەيسكي تاس جولى 499 ۆ تەمىر جول توراپتارىنداعى «سانات» جك   «شۇباركول» كومىرىنىڭ 1 تونناسى  14 500 تەڭگەدەن 12 600 تەڭگەگە دەيىن تومەندەدى.

ايتا كەتۋ كەرەك، جىلىتۋ ماۋسىمى باستالعالى بەرى الماتى اكىمدىگى كومىر قۇنىنىڭ قىمباتتاۋىنا جول بەرمەي كەلە جاتىر. سونىمەن قاتار، قالا بيلىگى الماتىلىقتار اراسىندا كومىر تاپشىلىعى بولمايتىنىن ايتىپ سەندىردى.

ۇقساس جاڭالىقتار

Back to top button