Алматы қауіпсіз қалалар рейтингіне кірді

Ғаламшардағы қылмыс статистикасын жүргізетін Numbeo сервисі 2018 жылдың «Қылмыстық рейтингін» жариялады, – деп хабарлайды Тengrinews.kz тілшісі. Мамандар 327 қаладағы қылмыстарды сараптаған.

Сонымен, әлемнің ең қауіпсіз қаласы БАӘ астанасы – Әбу-Даби болды. Мұнда қылмыс индексі 13 пайыздан сәл асып отыр, ал қауіпсіздігі бойынша көрсеткіші 86,37 пайызға тең. Бұдан кейінгі орындарда Катардағы Доха орналасқан, кейін швейцарияның Базель қаласы (индексі – 16 пайыз). Ең қауіпсіз қалалардың ондығына Сингапур, Квебек, Осака, Токио, Берн, Мюнхен және Цюрих енген.

Қазақстан қалаларынан тізімде Алматыға ғана бар екен. Рейтингте оңтүстік астанамыздың алып отырған орны – 216. Сервис мәліметтері бойынша, қаладағы қылмыс индексі 50,06 пайыз, ал қауіпсіздік индексі – 49,94. Әлемде қылмыс ең көп жасалатын қала Сан-Педро-Сула болды, бұл Гондурастағы ең ірі қалалардың бірі (қылмыс индексі 85,18).

Back to top button