Jañalıqtar

AQTAU ÄLEMDİK QAUIMDASTIQ QATARINDA

Keşe ğana jartı ğasırlıq jastıñ tabaldırığın attağan Aqtau äri jas, äri körikti qala. Eger siz Aqtauğa kelip körmegen bolsañız, kök teñiz jağasında kün säulesine taranğan äppaq aqquday, aqmarjan qalanı köz aldıñızğa elestetip köriñiz… Öndiris kökjiegi keñeyip, äleumettik-ekonomikalıq tınısı artıp, 200 mıñğa tarta twrğınnıñ qwttı mekenine aynalğan qala juırda ülken märtebege qol jetkizdi. 

Marokkonıñ Rabat qalasında ötken Jergilikti jäne aymaqtıq köşbasşılardıñ sammitinde Aqtau qalası halıqaralıq qalalar qauımdastığına enip, «Birikken qalalar jäne jergilikti bilik» wyımına müşe retinde tanılıp, arnayı sertifikattı ielendi. 

Aqtaulıq delegaciyanı bastap barğan Aqtau qalasınıñ äkimi E.Jañbırşin BAQ ökilderine Marokko saparı, onda ötken auqımdı forum, Rabat qalasınıñ ekonomikalıq-äleumettik jağdayı jäne özindik erekşelikteri, jetistikteri jaylı Aqtau qalasımen salıstıra otırıp bayandadı. 

Üş jıl sayın ötip, 3000-nan astam jergilikti atqaru jäne ökiletti organdarı ökilderiniñ basın qosatın sammit bwdan bwrın Parijde, Koreyada, Meksikada ötken. Al Marokkodağı basqosuğa 3500-den astam jergilikti özin-özi basqaru organdarınıñ ökilderi, 100-den asa qala äkimderi qatısqan. 

– «Qoğamdı qalıptastır, de­mo­­kratiyanı qwr» taqırıbımen ötken forumda 2015 jıldan arğı özin-özi basqaru biliginiñ damuı mäselesi kün tärtibine şıqtı. Sonday-aq densaulıq saqtau, bilim beru, aymaqtıq qarım-qatınastı nığaytu men äleumettik bölektenudi boldırmau, twrğın üy qwrılısı sındı özekti mäseleler ortağa salındı, – deydi Edil Terekbaywlı. Aqtau qalası äkiminiñ aytuınşa, halıqaralıq därejedegi basqosular özara baylanıstı küşeytu arqılı örkendeuge, täjiribe almasuğa jäne bäsekege qabilettilikti arttıruğa äser etpek. 

Kezekti sammit üş jıldan soñ Kolumbiyanıñ Bogota qalasında ötetin bolıp belgilendi. 

Bwğan deyin birneşe şetel­dik qalamen äriptestik, äri ın­tı­maqtastıq baylanıs ornatıp, tö­rine birneşe elşilikterdiñ jalauın tikken Aqtau osılayşa älemdik qauım­dastıq qatarına endi.

Asıl MWRATTAS

Back to top button