ىشكى ىستەر ءمينيسترى ءمينيسترى قىزمەتىنەن كەتتى

  «ۇلكەن وكىنىشپەن ىشكى ىستەر ءمينيسترى قىزمەتىنەن كەتۋگە شەشىم قابىلدادىم. ويتكەنى ەل پارلامەنتىنە زاڭسىز ميگرانتتارعا قاتىستى جاڭساق دەرەك كورسەتتىم، ەندى بۇل جەردە قالا بەرۋىم قيسىنسىز»، – دەيدى ۇلىبريتانيانىڭ ىشكى ىستەر ءمينيسترى ەمبەر رادد تەرەزا مەيعا جازعان حاتىندا.

1940 جىل مەن 1970 جىلدار اراسىندا كورولدىككە اۋىپ كەلگەن افريكا ەلدەرى مەن كاريب ارالدارىنىڭ ازماتتارىنا قاتىستى قاتاڭ شەشىم قابىلدانىپ، ولاردى تۇپكىلىكتى تۇرعىن ساناتىنا جاتقىزۋعا مۇمكىندىك بەرەتىن قاۋلى قابىلدانعان. بىراق ەمبەر رادد باسقاراتىن مينيسترلىك سول زاڭعا شەكەسىنەن قاراپ، قاۋىمدار پالاتاسىندا ەسەپ بەرۋ كەزىندە مۇنداي تاجىريبەدەن حابارسىز ەكەنىن مالىمدەگەن. بىراق كوپ كەشىكپەي ءباسپاسوز بەتىندە راددتىڭ وتكەن جىلى ۇكىمەت باسشىسىنا جازعان حاتى جاريالانىپ، ماسەلەدەن حاباردار ەكەندىگى انىقتالدى. ال داۋدىڭ باسى سوناۋ 1948 جىلى يامايكادان ۇلىبريتانياعا كەلگەن ميگرانتتارعا قاتىستى تۋىنداعان. سەبەبى ولار بىرىككەن كورولدىكتە جارتى عاسىردان استام ۋاقىت ءومىر ءسۇرىپ كەلەدى. بىراق سوعان قاراماستان، 2012 جىلعى زاڭعا سايكەس، ەلدەرىنە قايتا قايتۋ قاۋپى ءتوندى. وسى جاعدايعا بايلانىستى ءوز قاتەسىن تۇسىنگەن مينيستر سانالى تۇردە قىزمەتىنەن باس تارتىپ وتىر. اbctv.kz-ءتى قاراڭىز، وقىڭىز Telegram

ۇقساس جاڭالىقتار

Back to top button