قحا سەسسياسىنا قاتىسۋشىلاردىڭ قازاقستاندىقتارعا ارناعان ۇندەۋى

قازاقستان حالقى اسسامبلەياسىنىڭ ءXXVى  سەسسياسىنا قاتىسۋشىلار ۇندەۋ قابىلدادى، دەپ حابارلايدى قازاقپارات.

جىل باسىندا ۇسىنىلعان «پرەزيدەنتتىڭ بەس الەۋمەتتىك باستاماسى» شىن مانىندە الەۋمەتتىك جاڭعىرۋدىڭ اۋقىمدى باعدارلاماسى بولىپ تابىلادى. تاۋەلسىز قازاقستان ءاۋ باستان-اق الەۋمەتتىك باعدارلانعان مەملەكەت رەتىندە قۇرىلدى. بەس الەۋمەتتىك باستاما وسى باعىتتىڭ قيسىندى جالعاسى بولىپ، الەۋمەتتىك مەملەكەت تۋرالى كونستيتۋتسيالىق نورمانى جاڭا ناقتى مازمۇنمەن تولتىردى. قولجەتىمدى تۇرعىن ۇيمەن قامتاماسىز ەتۋ، سالىقتاردى ازايتۋ، قوسىمشا ءبىلىم گرانتتارىن ءبولۋ، ستۋدەنتتەرگە ارنالعان جاتاقحانالاردى جاپپاي سالۋ، ميكروكرەديتتەۋدى كەڭەيتۋ جانە گازداندىرۋدى ودان ارى جالعاستىرۋ – بۇل ازاماتتاردىڭ ءومىرى ساپاسىنىڭ جوعارى ستاندارتتارىنا قول جەتكىزۋدى ماقسات ەتەتىن ناقتى ەسەپتەلگەن شارالار»، – دەلىنگەن ۇندەۋدە. سونىمەن قاتار ۇندەۋدە وسى شارالار توپتاماسىنىڭ ارقاسىندا ەكونوميكالىق جانە قوعامدىق پروگرەسكە ىقپال ەتەتىن جاعدايلار جاسالعانى جانە ەڭ باستىسى اركىمنىڭ ءىس جۇزىندە الەۋمەتتىك قورعالۋى مەن تۇلعانىڭ ءوزىن-ءوزى تانىتاتىنداي  ەڭبەك ەتىپ، ءومىر سۇرۋىنە كەپىلدىك بەرىلەتىندىگى اتالىپ وتىلگەن. «وسى ارقىلى مەملەكەتتىڭ ازاماتتار الدىنداعى الەۋمەتتىك جاۋاپكەرشىلىگى ناقتى مانمەن تولىعا تۇسەدى. مۇنىڭ ءبارى دە الەۋمەتتىك بىرلىك پەن قازاقستاندىق قوعامنىڭ كىرىگۋىنىڭ ناقتى ءارى پارمەندى تۇعىرى بولىپ تابىلادى. قازاقستان حالقى اسسامبلەياسى مەملەكەت باسشىسىنىڭ الەۋمەتتىك باستامالارىن تۇتاستاي قولدايدى جانە ولاردى ءتيىمدى ىسكە اسىرۋ جونىندەگى امالداردى تالقىلاۋعا بەلسەنە اتسالىسادى. ءبىز، بارشا قازاقستاندىقتاردى سوعان شاقىرامىز. ءبىز بىرلەسىپ، جاڭا ءومىر مۇمكىندىكتەرىن، الەۋمەتتىك پەن ۇلتتىق يگىلىكتىڭ جاڭا ۇلگىسىن جاسايمىز. ءبىز بەس الەۋمەتتىك باستامانى ىسكە اسىرۋ، بەيبىتشىلىك پەن كەلىسىمدى ودان ارى نىعايتۋعا، ازاماتتاردىڭ ءال-اۋقاتىنىڭ ارتۋىنا، وتانىمىز – قازاقستان رەسپۋبليكاسىنىڭ وركەندەۋىنە جاردەمدەسەتىنىنە سەنىمدىمىز»، – دەلىنگەن قۇجاتتا.

ۇقساس جاڭالىقتار

Back to top button