الەم چەمپيونى بولۋدى ارماندايتىن ماقسات

ونەردiڭ باستاۋى، ادەتتە، ەلiكتەۋ بولىپ كەلەدi. جاقسىعا، اسەمدiككە ەلiكتەۋ، سۇلۋلىققا ۇمتىلۋ. ءارi سپورت، ءارi ونەر سانالاتىن تاەكۆوندونىڭ قازاق ەلiندە قانات جايۋىنا بiردەن بiر سەبەپكەر اتاقتى مۇستافا وزتۇرiك ەكەنi بارشاعا بەلگiلi. "عالىمنىڭ حاتى، جاقسىنىڭ اتى قالادى" دەمەكشi، بۇگiندە باقيلىق كورنەكتi تاەكۆوندوشىنىڭ iسiن ونىڭ شاكiرتتەرi ابىرويلى جالعاستىرىپ كەلەدi. سولاردىڭ بiرi – ەسiمi رەسپۋبليكاعا بەلگiلi تاەكۆوندوشى، قر ەڭبەك سiڭiرگەن جاتتىقتىرۋشى، الماتى وبلىسى، قاسكەلەڭ قالاسىنداعى قاراساي باتىر اتىنداعى سپورت كەشەنiن ۇيىمداستىرۋشى قايرات تاعابەرگەنوۆ. ال، بiز ءسوز ەتكەلi وتىرعان ماقسات قاحارمان ونىڭ تالانتتى شاكiرتتەرiنiڭ بiرi.

بiردە، اتا-اناسىمەن رەسپۋبليكا سارايىندا وتكەن بiر كەشكە بارعان ول سول ساحنادان تاەكۆوندوشى بالالاردىڭ ونەرiن كورiپ قاتتى قىزىعىپتى. "شiركiن، مەن دە وسىلارداي بولسام!" دەپ ارماندايدى ەكەن.

– ول مۇستافا وزتۇرiكتi ەسكە الۋ كەشi ەدi. ساحنادا اتاقتى تاەكۆوندوشى مەكتەبiنiڭ وقۋشىلارى ونەر كورسەتكەن، – دەيدi ماقساتتىڭ اكەسi سابىر قاحارمان ۇلى. – ءوزiم كەزiندە قازiرگi سپورت جانە تۋريزم اكادەمياسىندا وقىعانمىن، بiراق، تازا سپورت جولىنا تۇسپەدiم. ءتورت-بەس جاسىنان باستاپ ماقساتتى ءارتۇرلi سپورتتىق شارالارعا، فۋتبولعا ەرتiپ بارىپ ءجۇردiم.سول كەشتەن كەلگەن سوڭ ماقسات اياق-قولىن سەرمەپ، وزiنشە تاەكۆوندوشى بولا باستادى، –دەپ جالعاستىردى اڭگiمەسiن جاس چەمپيوننىڭ اكەسi. – ۇلىمىزدىڭ تابيعاتى شاحماتقا ەمەس، شىعىس سايىستارىنا كەلەتiنiن سول كەزدە بايقادىم، الىپ بارا جاتقان ەنەرگيانى بiر ارناعا ءتۇسiرۋ ءۇشiن جاقسى بiر سپورت مەكتەبiن قاراستىرۋعا تۋرا كەلگەن. لايىق كورگەنiمiز قاسكەلەڭدەگi قاراساي اتىنداعى سپورت كەشەنi بولدى. ونىڭ ۇيىمداستىرۋشىسى قايرات تاعابەرگەنوۆ بولسا، رەسپۋبليكاعا ەسiمi بەلگiلi سپورتشى، رەسپۋبليكانىڭ عانا ەمەس، ازيا چەمپيوندارىن تاربيەلەپ شىعارعان جاتتىقتىرۋشى. سپورت دەگەن – ۇلكەن تاربيە مەكتەبi عوي. قايرات سىندى ازاماتتار قانشاما بالانى، ءجاسوسپiرiمدi جاقسى جولعا باستاۋدا. بالالاردىڭ دايىندىعىنا، رۋحىنىڭ مىقتى بولۋىنا كوپ ءمان بەرەتiن وعان اتا-انالار، ونىڭ iشiندە بiز دە قاتتى ريزامىز. ال، ۇلىمىزدىڭ جەڭiسiنە تiلەكشiلەر از ەمەس، سولاردىڭ قاتارىندا دەمەۋشiلiك كورسەتكەن ازاماتتار – جۋانىش قاەكەشوۆ پەن دارحان ساپاباەۆقا العىسىمىز مول. ءوزiمنiڭ ريزا بولاتىنىم – ماقساتتىڭ قايتپاس مiنەزi بار. ايتپەسە سوڭعى تۋرنير وڭاي تۋرنير ەمەس ەدi…

رەسپۋبليكالىق /WTF/ وسى ەكiنشi تۋرنيرگە الماتى، اتىراۋ، قىزىلوردا، ماڭعىستاۋ، وقو، جامبىل وبلىستارى مەن الماتى قالاسىنداعى مۇستافا وزتۇرiك، اسقار شايحيەۆ اتىنداعى تاەكۆوندو كلۋبتارىنان 500-گە تارتا بالا مەن ءجاسوسپiرiم سپورتشى قاتىسىپ، ءوز سالماق دارەجەلەرiندە باسەكەلەسiپتi. ماقسات فينالعا ءتورت قارسىلاسىن جەڭiپ شىققان، فينالدا ەكiنشi راۋندتا جەڭiسكە جەتكەن ول التىن جۇلدە يەلەنiپتi. ال، بۇل ۇلكەن جەڭiسكە دەيiن ول وبلىستىق، رەسپۋبليكالىق بiرنەشە جارىستىڭ جۇلدەگەرi بولعان. بiر قاراماققا نازiك تە اشاڭ كورiنەتiن تاەكۆوندوشى بالا سايىسقا ەش تايسالماي شىعادى ەكەن. "قاحارمان اتا، ارۋاعىڭ قولداسىن" دەيمiن دە، جەكپە-جەككە كiرiسiپ كەتەمiن. ماقساتىم – الەم چەمپيونى بولۋ" دەيدi ول.

مامىر ايىنىڭ باس كەزiندە پاۆلوداردا رەسپۋبليكالىق جارىس وتپەكشi. جازدا كورەيادا جاتتىعۋ جيىنى. سونان سوڭ حالىقارالىق تۋرنير. جاتتىقتىرۋشىسى، تاەكۆوندو شەبەرi قايرات تاعابەرگەنوۆ ءتوزiمدi دە تىندىرىمدى، وجەت شاكiرتi ماقسات قاحارماننان ۇلكەن ءۇمiت كۇتەتiنiن ايتادى. الماتى وبلىسى، قاراساي اۋدانى، جاندوسوۆ اۋىلى جاندوسوۆ اتىنداعى مەكتەپتiڭ وقۋشىسى، جاسى ون بiرگە ەندi عانا تولاتىن تاەكۆوندوشى اسقارالى ماقساتىنا جەتiپ، الەم چەمپيونى اتانسىن، دەپ بiز دە تiلەك قوسايىق.

نۇرلان تۇرسىنبەك

ۇقساس جاڭالىقتار

Back to top button