ەلۋگە كەلگەن تەلەارنا

"ەلۋ جىلدا — ەل جاڭا" دەگەندەي، قازاقتىڭ تەلەەفيرi تۋرا جارتى عاسىرلىق جولدان ءوتتi. تەلەديدار ءداۋiرi 1958 جىلدىڭ 8 ناۋرىزىنان باستاۋ الىپ، العاشقى تەلەحابار الماتى ستۋدياسىنان ءدال وسى كۇنi شىققان بولاتىن. قازاق ۇلتتىق تەلەارناسىنىڭ 50 جىلدىق مەرەيتويىنا بايلانىستى كەشە ۇلتتىق ءباسپاسوز كلۋبىندا ءباسپاسوز ءماسليحاتى بولىپ ءوتتi.

جيىنعا بيبiگۇل جەكسەنباي، ۇلبوسىن ايتولەن، جازۋشى قۇدايبەرگەن تۇرسىن، قاينار ولجاي جانە ساعاتبەك قاليەۆتەر قاتىستى. "ەلiمiزدiڭ ەلەۋلi، تانىمال تەلەجۋرناليستەرiنiڭ بiرنەشە بۋىنىن وسى قازاق تەلەۆيزياسى تاربيەلەپ شىعاردى. ولار بۇگiندە رەسپۋبليكامىزدىڭ ءتۇرلi تەلەارنالارىندا قىزمەت ەتiپ جۇرگەنiمەن، شىعارماشىلىق جولدارىن ەلiمiزدiڭ ءتول تەلەديدارىنان باستاعان. بۇگiندە "قازاقستان" تەلەارناسى – كوپۇلتتى ەلiمiزدi مەكەندەگەن ءتۇرلi حالىقتاردىڭ تiلiندە حابارلار تاراتادى. قازiر قازاقستاندا كوپتەگەن تەلەارنا قىزمەت ەتەدi، تەلەكوممۋنيكاتسيالىق جاڭا جۇيەلەر كورەرمەندەرگە شەتەلدiك تەلەارنالاردى دا تاماشالاۋعا مۇمكiندiك بەرەدi. بiراق "قازاقستان" تەلەارناسى قاشاندا ەلiمiزدiڭ ەڭ قولجەتiمدi تەلەارناسى بولىپ قالا بەرمەك، ونداعى حابارلاردىڭ 80 پايىزى قازاق تiلiندە شىعادى"، – دەدi "قازاقستان" تەلەارناسىنىڭ ديرەكتورى ساعاتبەك قاليەۆ.

بۇگiندە "قازاقستان" تەلەارناسى قازاقستان اۋماعىنان بولەك قىرعىز، وزبەك، تۇركiمەن ەلدەرi مەن رەسەيدiڭ شەكارالاس 12 وبلىسى جانە قىتايدىڭ شىڭجاڭ ۇيعىر اۋداندارى مەن مونعوليانىڭ بايان-ولگي ولكەسiنە تارايدى. ق. ولجايدىڭ ايتۋىنشا، قازاق تەلەديدارىنىڭ ماقتانىشى سانالاتىن "التىن قوردا" 10 مىڭنان استام تەڭدەسسiز حابارلار مەن بەينەفيلمدەر ساقتالعان.

"بiزدiڭ تولقىن اتالارىمىز ءوڭi تۇگiل تۇسiندە ەلەستەتە الماعان ەل ومiرiندەگi اتقارىلعان ۇلان-عايىر iستەردiڭ كۋاسi بولسا، ول – بiزدiڭ ۇرپاق ەنشiسiنە بۇيىرعان باقىت. تاۋەلسiزدiكتiڭ قارساڭىنداعى، ونىڭ العاشقى قالىپتاسۋ كەزەڭدەرiندەگi تاڭعاجايىپ وقيعالاردىڭ ءبارiن قازاق تەلەۆيزياسىنىڭ جۋرناليستەرi قالت جiبەرمەي، دەر كەزiندە كورەرمەنگە ۇسىنا بiلدi. قاشاندا كورەرمەن ءۇشiن قىزمەت ەتكەن قازاق تەلەۆيزياسى الداعى تاڭدا دا وسى ۇردiستەن تانباق ەمەس"، – دەيدi ۇ.ايتولەن.

بالجان ۇسەەۆا

ۇقساس جاڭالىقتار

Back to top button