تۋبەركۋلەزگە شالدىققان مۇعالىم باستاۋىش سىنىپقا ساباق بەرگەن

الماتى وبلىسىندا باستاۋىش سىنىپ بالالارىن وقىتقان 37 جاستاعى مۇعالىم اۋرۋى اسقىنىپ، جانساقتاۋ بولىمىنەن ءبىر-اق شىقتى، دەپ حابارلايدى كتك.

ناۋقاس وكپە دەرتىنىڭ جابىق تۇرىمەن اۋىرعان دەيدى دارىگەرلەر. ال، تالعارداعى مەكتەپتىڭ باسشىلىعى سىرقات مۇعالىم اۋرۋحاناعا تۇسكەنشە ونىڭ تۋبەركۋلەز جۇقتىرعانىنان حابارسىز بولىپتى.

تۋبەركۋلەز دەرتىن جۇقتىرعان مۇعالىم اۋرۋحاناعا تۇسكەنشە وسى جەردە باستاۋىش سىنىپتارعا، ناقتىراق ايتساق ءبىرىنشى سىنىپقا ساباق بەرىپ كەلگەن.

ديرەكتوردىڭ ايتۋىنشا، ءوز ىسىنە مىعىم مۇعالىمنىڭ بىلىكتىلىگىنە ەشقانداي ءشۇبə جوق. ءتىپتى، ونىڭ ونىڭ قاۋىپتى دەرتكە شالدىققانىن باسشىلىقتان باستاپ ەشكىم بىلمەگەن ەكەن. تەك، وتكەن قازان ايىنىڭ 18-ءى كۇنى سىرقاتتانىپ قالعاندىقتان ساباققا شىقپاپتى. سودان ارادا ون كۇنگە جۋىق ۋاقىت وتكەندە، ياعني قازاننىڭ 27-ءسى كۇنى ونىڭ تۋبەركۋلەزگە شالدىققانىن ەستيدى. قازىر ول الماتى قالاسىنداعى اۋرۋحانانىڭ جانساقتاۋ بولىمىندە جاتىر. بىزگە جەتكەن مəلىمەت بويىنشا، وعان تۋبەركۋلەزدىڭ جابىق ءتۇرى دەپ دياگنوز قويىلعان. سوندىقتان وزگەگە جۇعاتىنداي الىپ بارا جاتقان قاۋىپ جوق دەگەنىمەن، اۋدانداعى قۇزىرلى ورىندار اياعىنان تىك تۇرىپ، مەكتەپتە ءتۇرلى الدىن الۋ شارالارىن جاساپتى.

“دەزينفەكتسيا جاسايتىن قىزمەتتى شاقىردىق. ولار مۇعالىمنىڭ كابينەتىن تولىقتاي زالالسىزداندىردى. كەلەسى كۇنى وعان جاقىن ورنالاسقان تاعى ەكى كابينەتتە تازالاۋ جۇمىستارى جۇرگىزىلدى. ءوزىمىزدىڭ قىزمەتكەرلەر دە  ارنايى زاتتارمەن جۋىپ، بارلىق الدىن الۋ شارالارىن جاسادىق. ساباق باستالعانعا ەكى كۇن قالعاندا مەكتەپ ءىشى تولىقتاي كۆارتستاۋدان ءوتىپ، جۋىپ شىقتىق”، – دەدى مەكتەپ ديرەكتورى گۇلماريا وشاقباەۆا.

مۇعالىم ساباق ماۋسىمى باستالاتىن كەزدە تولىقتاي مەديتسينالىق تەكسەرۋدەن وتكەن. ديرەكتوردىڭ ايتۋىنشا، بارلىعى دۇرىس دەلىنگەن سانيتارلىق كىتاپشاسى دا بار ەكەن. بۇل جەردە بار كىنəرات وكپەسى تازا دەپ انىقتاما بەرگەن جەكە مەديتسينالىق ورتالىقتا بولىپ وتىر.  دəرىگەرلەرىنىڭ اعاتتىق جىبەرگەنىن جەكە كلينيكانىڭ باسشىلىعى دا راستاپ، كىنəلارىن مويىندادى. دəل قازىر مۇعالىم تىعىز قارىم-قاتىناستا بولعان ءبىرىنشى سىنىپتىڭ 22 وقۋشىسى تۇگەلدەي دəرگەلەردىڭ تەسكەرۋىنەن ءوتىپ. جاڭا عانا ءوز كوزىمىزبەن كوردىك، دəرىگەرلەر ءəلى مەكتەپتىڭ ىشىندە ءجۇر. سونداي-اق، ۇجىمداعى 80 وقىتۋشى دا جاقىن كۇندەرى تەكسەرۋدەن وتەدى. مەكتەپتەگى وسى توتەنشە وقيعانىڭ جاي-جاپسارىن كەيىنىرەك باياندايتىن بولامىز.

ۇقساس جاڭالىقتار

Back to top button