اشىعۋ ۇزاق ءومىر سۇرۋگە جول اشادى

بوستونداعى ت.ح.چان اتىنداعى گارۆارد قوعامدىق دەنساۋلىق مەكتەبىنىڭ عالىمدارى ءالسىن-ءالسىن اشىعۋ جاسۋشالارداعى ەنەرگەتيكالىق الماسۋ پروتسەسىن جاقسارتاتىنىن انىقتادى. عىلىمي جۇمىستان ءۇزىندى EurekAlert پورتالىندا جاريالاندى دەپ حابارلايدى baq.kz.

عالىمدار اعزاداعى زات الماسۋ پروتسەسىن زەرتتەي كەلە، فيزيولوگيالىق رەتتەۋدىڭ ماڭىزدى مەحانيزمدەرى مەن ەنەرگەتيكالىق الماسۋعا جاۋاپ بەرەتىن ميتوحوندريالىق جەلىلەر جۇمىسىنىڭ بۇزىلۋى قارتايۋدىڭ باستى سەبەپتەرىنىڭ ءبىرى دەگەن قورىتىندىعا كەلدى.

ۋاقىت وتە كەلە جەلىلەر جارامسىز كۇيگە ءتۇسىپ، جاسۋشانى ۋلايتىن جانە زات الماسۋ پروتسەسىن بۇزاتىن ەركىن راديكالدار وندىرە باستايدى. بۇل پروتسەسس اۋرۋدىڭ پايدا بولۋىنا بىردەن-ءبىر سەبەپ بولاتىن كورىنەدى.

بيولوگتار تۇتىنىلاتىن كالوريا سانىن ازايتۋ ميتوحوندريالىق جەلىلەردىڭ بەلسەندىلىگىن ارتتىرىپ، ۇزاق ۋاقىت «جاقسى فورمادا» بولۋعا مۇمكىندىك بەرەتىنىن انىقتادى. وسىلايشا، اشىعۋ جاس ەرەكشەلىگىندەگى وزگەرىستەردى تەجەپ، ءومىر ءسۇرۋ ۇزاقتىعىن ارتتىرادى، دەپ ەسەپتەيدى عالىمدار.

ۇقساس جاڭالىقتار

Back to top button