"الماتى-قورعاس" اۆتوجولى كەلەر جىلى اشىلادى

بۇگىن قر ۇكىمەتى وتىرىسىنىڭ قورىتىندىسى بويىنشا وتكەن ءباسپاسوز كونفەرەنتسياسى اياسىندا ينۆەستيتسيالار جانە دامۋ ۆيتسە-ءمينيسترى رومان سكليار «نۇرلى جول» مەملەكەتتىك باعدارلاماسى اياسىندا اقىلى اۆتوجولداردى ەنگىزۋ تۋرالى ايتىپ بەردى.

ۆيتسە-ءمينيستردىڭ ايتۋىنشا، قازاقستاندا 2013 جىلدان باستاپ جالعىز، ۇزىندىعى 217 شاقىرىمدىق «استانا — ششۋچينسك» اقىلى اۆتوجول ۋچاسكەسى قىزمەت كورسەتەدى.

«قازىرگى تاڭدا ول ءوزىنىڭ تيىمدىلىگىن تولىق دالەلدەدى. اۆتوجولدىڭ بۇل ۋچاسكەسىن ءبىز تەك تولەم الۋ ەسەبىنەن، بيۋدجەت قاراجاتىن تارتپاي-اق، ۇستاپ وتىرمىز»، — دەدى ول.

وسىعان وراي، قر يدم تەك تولەم الۋ ەسەبىنەن جولداردى اقاۋسىز ۇستاۋدى كوزدەيدى. دەگەنمەن، جولداردى اعىمداعى، ورتاشا، كۇردەلى جوندەۋ جۇمىستارى مەن ولاردى رەكونسترۋكتسيالاۋ رەسپۋبليكالىق بيۋدجەت قاراجاتى ەسەبىنەن جۇرگىزىلەتىن بولادى.

سونىمەن قاتار ر. سكليار بيىل جەلتوقسان ايىندا تاعى ءۇش ۋچاسكە: «استانا — تەمىرتاۋ»، «الماتى — قاپشاعاي» جانە «الماتى — قورعاس» جولدارى اقىلى بولاتىنىن حابارلادى. قازىرگى تاڭدا نىسانداردا جۇمىستار اياقتالىپ جاتىر.

«كەلەر جىلى 5،5 مىڭنان استام شاقىرىم اقىلى اۆتوجولدى پايدالانۋعا بەرۋدى جوسپارلاپ وتىرمىز، ولارعا دا بيۋدجەتتىك قاراجات تارتىلمايدى»، — دەپ ءسوزىن تۇيىندەدى ۆيتسە-مينيستر.

 

ۇقساس جاڭالىقتار

Back to top button