الەۋمەتتىك جەلىدەگى قىلمىستىق جاۋاپكەرشىلىك

ەلىمىزدە الەۋمەتتىك جەلىلەردە جالعان اككاۋنتتار اشىپ، جەكە باسقا ءتىل تيگىزگەن قانشا ادامنىڭ جاۋاپقا تارتىلعانى بەلگىلى بولدى، – دەپ حابارلايدى Tengrinews.kz. 

بۇل تۋرالى قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى رەداكتسيانىڭ رەسمي ساۋالحاتىنا بەرگەن جاۋابىندا ايتتى.

كوميتەت وكىلدەرىنىڭ مالىمەتىنشە، ەلىمىزدە جىل باسىنان بەرى قر قك-ءنىڭ 131-بابى («قورلاۋ») بويىنشا قۇقىقبۇزۋشىلىق جاساعانى ءۇشىن بارلىعى 89 ادام سوتتالعان (ونىڭ ىشىندە 131-بابىنىڭ 1-بولىگى بويىنشا – 64، 131-بابىنىڭ 2-بولىگى بويىنشا – 25) (زاڭدى كۇشىنە ەنگەن ۇكىمدەرى بويىنشا). «857 تۇلعاعا قاتىستى كورسەتىلگەن بابى بويىنشا قىلمىستىق ىستەر قىسقارتىلعان (زاڭدى كۇشىنە ەنگەن قاۋلى بويىنشا)، ونىڭ ىشىندە: قر قك-ءنىڭ 131-بابىنىڭ 1-بولىگى بويىنشا 602، قر قك-ءنىڭ 131-بابىنىڭ 2-بولىگى بويىنشا 106 تۇلعاعا قاتىستى اقتايتىن نەگىزدەر بويىنشا; قر قك-ءنىڭ 131-بابىنىڭ 1-بولىگى بويىنشا 16، قر قك-ءنىڭ 131-بابىنىڭ 2-بولىگى بويىنشا 3 تۇلعاعا قاتىستى راقىمشىلىق جاسالدى; قر قك-ءنىڭ 131-بابىنىڭ 1-بولىگى بويىنشا 109، قر قك-ءنىڭ 131-بابىنىڭ 2-بولىگى بويىنشا 19 تۇلعاعا قاتىستى تاراپتاردىڭ تاتۋلاسۋىمەن; قر قك-ءنىڭ 131-بابىنىڭ 2-بولىگى بويىنشا 19 تۇلعاعا قاتىستى باسقا نەگىزدەر بويىنشا»، – دەلىنگەن ۆەدومستۆونىڭ رەسمي جاۋابىندا.

ال قر ىشكى ىستەر مينيسترلىگىنىڭ وكىلدەرى ءوز كەزەگىندە ينتەرنەتتەگى ءتىل تيگىزۋ دەرەكتەرىن انىقتاۋ قر «جەدەل-ىزدەستىرۋ قىزمەتى تۋرالى»، «قىلمىستىق-پورتسەستىك كودەكس» جانە باسقا دا قولدانىستاعى زاڭناماعا سايكەس جۇرگىزىلەتىنىن مالىمدەدى.

 

 

ۇقساس جاڭالىقتار

Back to top button