اقتوبەدە قانشا بەنزين قورى قالعانى بەلگىلى بولدى

اقتوبەدەگى جانارماي قورى ءالى ءبىر ايعا جەتىپ قالۋى مۇمكىن، دەپ حابارلايدى 24.kz.

وبلىس بويىنشا 16 جانار-جاعارماي بەكەتى بار ءىرى كومپانيا بەنزيندى شەكتەۋسىز ساتىپ جاتىر. وزگە وڭىرلەرمەن سالىستىرعاندا، باعاسى دا ءبىرشاما ارزان. اي-92 بەنزينى 158 تەڭگەدەن، ديزەل وتىنى 152 تەڭگەدەن ساتىلىپ جاتىر. كومپانيا باسشىلارىنىڭ ايتۋىنشا، الداعى ۋاقىتتا باعانى ءوسىرۋ جوسپاردا جوق. ولار تامىز ايىنان باستاپ كوتەرمە ساۋدانى ازايتىپ، قور جيناۋدى باستاعان. سول كەزدە اتىراۋ مۇناي وڭدەۋ زاۋىتى كۇردەلى جوندەۋگە جابىلعان ەدى. جالپى، وپەراتور جانارمايدى شىمكەنت، اتىراۋ جانە رەسەي زاۋىتىنان الادى. جينالعان قوردىڭ 15%-ى – رەسەي ءونىمى. جوندەۋدەن وتكەن اتىراۋ زاۋىتىنان دا العاشقى ءونىم كەلە باستادى.

ايتا كەتەيىك، اقتوبەدە سوڭعى جىلدارى كولىكتەردىڭ كوبى گازعا كوشتى. وبلىس بويىنشا 40 مىڭعا جۋىق تەمىر تۇلپار سۇيىتىلعان گازبەن جۇرەدى. وڭىرگە اي سايىن 7 مىڭ 700 توننا گاز جەتكىزىلەدى.

راشيد ءداۋىروۆ، جانارماي بەكەتتەرى جەلىسىنىڭ ديرەكتورى:

– بىزدە اي-92 بەنزينىنىڭ قورى بار. وتاندىق زاۋىتتارعا قازان ايىنا تاپسىرىس بەرىپ قويعانبىز. جانار-جاعارماي تاسىمالدايتىن كولىكتەرىمىز جولدا كەلە جاتىر. ءوزىمىزدىڭ قورىمىزبەن قوسقاندا ءالى 20-25 كۇنگە جەتەتىن جانارماي بار. ودان بولەك قاراشا ايىنا دا الدىن الا تاپسىرىس بەرىپ قويدىق.

ۇقساس جاڭالىقتار

Back to top button